கான்பெரா: சிறுவர் பாலியல் துஷ்பிரயோகம் தொடர்பான விசாரணைக்கு ஒத்துழைப்பு அளிக்காததால் டிவிட்டர் நிறுவனத்துக்கு ஆஸ்திரேலியா இ பாதுகாப்பு ஆணையம் ரூ.3.2கோடி அபராதம் விதித்துள்ளது. ஆஸ்திரேலியாவின் இ பாதுகாப்பு ஆணையமானது, சிறார் பாலியல் சுரண்டல், மிரட்டி பணம் பறித்தல் மற்றும் குழந்தைகளுக்கு எதிரான பாலியல் துஷ்பிரயோகத்தின் நேரடி ஒளிபரப்பு ஆகியவற்றை எவ்வாறு கையாள்கிறீர்கள் என டிவிட்டர் மற்றும் கூகுள் நிறுவனங்களிடம் விளக்கம் கேட்டது. ஆனால் 2 நிறுவனங்களும் விசாரணைக்கு ஒத்துழைப்பு அளிக்கவில்லை. இந்நிலையில் இ பாதுகாப்பு ஆணையம், டிவிட்டர் நிறுவனத்துக்கு 3,85,000 டாலர் அபராதம் விதித்து உத்தரவிட்டுள்ளது. கூகுள் பிராந்திய இயக்குனர் லூசிண்டா கூறுகையில்,‘‘கூகுள் நிறுவனம் பாலியல் துஷ்பிரயோக உள்ளடக்கங்களை முன்கூட்டியே கண்டறிந்து அகற்றுவதற்கும், புகாரளிப்பதற்கும் பல தொழில்நுட்பங்களை உருவாக்கியுள்ளது” என்று தெரிவித்துள்ளார்.