நன்றி குங்குமம் டாக்டர்
*மத்திய அமெரிக்கா மற்றும் கரீபியன் பகுதிகளை தாயகமாகக்கொண்ட இப்பழம் இன்று இந்தியா, பாகிஸ்தான், ஆஸ்திரேலியா, தைவான், ஆப்பிரிக்கா நாடுகளில் பயிராகிறது.
*எட்டு மீட்டர் முதல் பத்து மீட்டர் உயரம் வரை வளரும் தன்மை கொண்டது. மஞ்சள் கலந்த பசுமை நிறப் பூக்கள் காணப்படும்.
*பழமானது மஞ்சள் சாயையுள்ள சிவப்பு நிறமாக, இதய வடிவத்துடன், 7.5 முதல் 12.5. செ.மீ. விட்டத்துடன் இருக்கும். பழச்சதை வெண்மை நிறமுடையது. பழச்சதையில் பல விதைகள் இருக்கும்.
*ஒரு பழம் சுமார் அரைகிலோ எடை கொண்டதாக இருக்கும்.
*ஒரு மரத்தில் 45 கிலோ பழங்கள் ஒரு ஆண்டில் கிடைக்கும். நட்ட இரண்டு ஆண்டுகளில் பழங்களை அறுவடை செய்யலாம்.
*ராம்சீதா பழத்தின் தாவரவியல் பெயர் அனோனா ரெடிகுலேட்டா என்பதாகும். இது அனோனசியே என்ற தாவரக் குடும்பத்தின் கீழ் வருகிறது.
மருத்துவக் குணங்கள்:
*ராம்சீதா பழத்தில் தாதுச்சத்துகள், கொழுப்பு, நார், மாவுப் பொருட்கள் உள்ளன. பழத்தில் அயோடின், புளோபின் உள்ளன. பழம் பழுக்கும் போது அஸ்கார்பிக் அமிலம் அதிகமாகிறது.
*காய், கனி, இலை, பட்டை அனைத்தும் மருத்துவக் குணங்கள் கொண்டது.
*பச்சைக்காயில் அதிக அளவு டானின் சத்து இருப்பதால் வயிற்றுப் போக்கிற்கு மருந்தாகிறது.
*சீதா காயானது மண்ணீரல் வீக்கத்தை தணிக்கும்.பழத்தை அடிக்கடி உண்டு வந்தால் ரத்த விருத்தி ஏற்படும்.
*இப்பழம் வாந்தியை நிறுத்தும்.
*இப்பழத்திற்கு பாக்டீரியா கிருமிகளை அழிக்கும் தன்மை உண்டு.
*இதயத்தை நன்கு செயல்பட வைக்கும்.
*காய்ச்சலின் போது ஏற்படும், தாகம், களைப்பை நீக்கும்.
*இப்பழம் உண்டு வர பசியைத் தூண்டும்.
*இலைகளை அரைத்து வயிற்றின் மேல் பூசிட அஜீரணம் மாறும்.
*பட்டையில் கசாயம் வைத்து பருக வயிற்றுப்போக்கை நிறுத்தும்.
*காயானது குடலிலுள்ள நாக்குப் பூச்சிகளை அழிக்கும்.
*இந்த ராம் சீதாபழத்தின் முற்றாத கனியிலிருந்து பூச்சிக் கொல்லி மருந்து தயாரிக்கப்படுகிறது. மேலும் கறுப்புச் சாயம் எடுக்கப்படுகிறது.
*விதையிலிருந்து எடுக்கப்படும் எண்ணெய் சோப்பு தயாரிக்க பயன்படுகிறது.
*இலைகள் பூச்சிக்கொல்லி மருந்து தயாரிக்கவும் பயன்படுகிறது.
தொகுப்பு: சா.அனந்தகுமார்
