சென்னை: டான்செட் தேர்வு முடிவுகளை அண்ணா பல்கலைக்கழகம் வெளியிட்டுள்ளது. அரசு, அரசு உதவி பெறும் மற்றும் தனியார் கல்லூரிகளில் எம்பிஏ, எம்சிஏ படிப்பில் சேர டான்செட் தேர்வு நடத்தப்படுகிறது. மார்ச் 9,10-ல் நடந்த தேர்வு முடிவுகள் https://tancet.annauniv.edu/tancet-ல் வெளியிடப்பட்டது. எம்சிஏ, எம்பிஏ, எம்டெக், எம்ஆர்க் உள்ளிட்ட முதுநிலை பொறியியல், மேலாண்மை நுழைவுத்தேர்வை 36,139 பேர் எழுதினர். மதிப்பெண் சான்றிதழை ஏப்.3 முதல் இணையதளத்தில் பதிவிறக்கம் செய்யலாம் என அண்ணா பல்கலைக்கழகம் தெரிவித்துள்ளது.