மம்தாவின் நேற்றைய ஸ்பெஷல் ‘மோமோ’

கொல்கத்தா: டார்ஜிலிங் சென்றுள்ள மேற்கு வங்க முதல்வர் மம்தா பானர்ஜி நேற்று மோமோ செய்தார். இந்த வீடியோவை அவர் தனது சமூகவலைதளத்தில் பதிவிட்டுள்ளார். மேற்கு வங்க முதல்வர் மம்தா பானர்ஜி மூன்று நாள் பயணமாக கடந்த செவ்வாயன்று டார்ஜிலிங் சென்றார். பல்வேறு நிகழ்ச்சிகளில் பங்கேற்ற அவர், டார்ஜிலிங் மலையில் நடைபயணம் சென்ற அவர் அங்குள்ள உணவு கடையில் பானி பூரி தயாரித்து குழந்தைகளுக்கு வழங்கினார். இந்நிலையில், மம்தா நேற்று தனது சமூக வலைதளத்தில் வீடியோ ஒன்றை வெளியிட்டு இருந்தார். இதில் சுயஉதவி குழு பெண்களோடு கலந்துரையாடிக் கொண்டே, ‘மோமோ’ தயாரிக்கிறார். மம்தா, தனது பேஸ்புக் பதிவில், ‘இன்று காலை நடைபயணம்  சென்றபோது நான் மோமோஸ் தயாரித்தேன். இதுபோன்ற சிறப்பு தருணங்களை எனது மக்களுடன் பகிர்ந்து கொள்வதில் மகிழ்ச்சி. டார்ஜிலிங் எப்போதும் எனது நெஞ்சில் நீங்காமல் இருக்கும்.’ என்று கூறியுள்ளார்….