சென்னை: இந்தியாவின் விளையாட்டு தலைநகராக தமிழ்நாடு இருப்பதற்கு அனைத்துத் தகுதிகளும் உள்ளதை கேலோ இந்தியா விளையாட்டுகள் மூலம் நிரூபித்துள்ளோம்””திறமையான வீரர்களை அடையாளம் கண்டு பயிற்சியளித்ததால் கேலோ இந்தியா விளையாட்டு போட்டிகளில் தமிழ்நாடு 2வது இடத்தை பெற்றுள்ளது. தமிழ்நாட்டில் பயிற்சி மேற்கொண்ட 2 மணிப்பூர் வீரர்கள் பதக்கம் பெற்றுள்ளனர்.
கேலோ இந்தியா விளையாட்டு போட்டி நமது தேசத்தின் மிக அற்புதமான விளையாட்டுக் களியாட்டம், ஜனவரி 19 அன்று தமிழ்நாட்டில் தொடங்கப்பட்டது, இன்று நிறைவடைந்தது.நிறைவு விழாவில் ஒன்றிய இளைஞர் விளையாட்டுத்துறை அமைச்சர் அனுராக்தாகூர் பங்கேற்றுள்ளார். பதக்கப் பட்டியலில் முதல் மூன்று இடங்களைப் பிடித்த மகாராஷ்டிரா, தமிழ்நாடு மற்றும் ஹரியானாவைச் சேர்ந்த விளையாட்டு வீரர்களுக்கு நாங்கள் பதக்கங்களை வழங்கினோம்.
முதல்முறையாக பதக்கப் பட்டியலில் தமிழகம் இரண்டாவது இடத்தில் இருப்பது வரலாற்றுச் சிறப்புமிக்க தருணம். விளையாட்டு மேம்பாட்டுக்கான தமிழக அரசின் அர்ப்பணிப்பு முயற்சிகள் கேலோ இந்தியா யூத் கேம்ஸ் 2023 இல் குறிப்பிடத்தக்க முடிவுகளை அளித்துள்ளன. கேலோ இந்தியா யூத் கேம்ஸ் 2023ல் வெற்றி பெற்றவர்களுக்கும், பங்கேற்பவர்களுக்கும் எனது மனமார்ந்த வாழ்த்துகளைத் தெரிவித்துக் கொள்கிறேன். இந்த அற்புதமான 13 நாள் விளையாட்டுப் பயணம் தமிழகத்தின் விளையாட்டு வரலாற்றில் அழியாத முத்திரையைப் பதித்துள்ளது.
நகரங்களில் உள்ளவர்கள், பணக்கார வீட்டுப் பிள்ளைகள் என குறிப்பிட்ட சிலர் மட்டும் விளையாட்டு போட்டிகளில் பங்கேற்பதாக இல்லாமல், கிராமங்கள்தோறும் உள்ளவர்களும் பதக்கங்கள் வெல்ல வேண்டும் என்பதுதான் திராவிட மாடல் தமிழ்நாடு அரசின் எண்ணம். விளையாட்டு என்பதை ஒரு இயக்கமாக தமிழ்நாடு அரசு மாற்றி வருகிறது. அரசு எடுத்த முயற்சியால் விளையாட்டு துறையில் தமிழ்நாடு சிறந்தது விளங்குகிறது. கலைஞர் ஸ்போர்ட்ஸ் கிட்-ஐ திருச்சியில் பிப்.7ம் தேதி தொடங்கி வைக்க உள்ளார். கேலோ இந்தியா இளையோர் விளையாட்டுப் போட்டிகள் நிறைவு விழாவில் அமைச்சர் உதயநிதி ஸ்டாலின் உரையாற்றியுள்ளார்.
