Saturday, February 24, 2024
Home » ஸ்டாய்னிஸ் அதிரடியில் மெல்போர்ன் ஸ்டார்ஸ் வெற்றி

ஸ்டாய்னிஸ் அதிரடியில் மெல்போர்ன் ஸ்டார்ஸ் வெற்றி

by MuthuKumar

அடிலெய்டு: பிக்பாஷ் லீக் டி20 தொடரில், அடிலெய்டு ஸ்டிரைக்கர்ஸ் அணியுடன் மோதிய மெல்போர்ன் ஸ்டார்ஸ் அணி 7 விக்கெட் வித்தியாசத்தில் அபாரமாக வென்றது. அடிலெய்டு ஓவல் மைதானத்தில் நேற்று நடந்த இப்போட்டியில், டாஸ் வென்ற மெல்போர்ன் ஸ்டார்ஸ் முதலில் பந்துவீச… அடிலெய்டு ஸ்டிரைக்கர்ஸ் 20 ஓவரில் 4 விக்கெட் இழப்புக்கு 205 ரன் குவித்தது. கேப்டன் மேத்யூ ஷார்ட் 56, டார்சி ஷார்ட் 25, ஆடம் ஹோஸ் 14, ஜேமி ஓவர்டன் 19 ரன் எடுத்தனர். அதிரடியாக விளையாடிய கிறிஸ் லின் 83 ரன் (42 பந்து, 10 பவுண்டரி, 4 சிக்சர்) விளாசி ஆட்டமிழக்காமல் இருந்தார். ஸ்டார்ஸ் பந்துவீச்சில் மேக்ஸ்வெல் 2, ஜோயல் பாரிஸ், ரோச்சிசியோலி தலா 1 விக்கெட் வீழ்த்தினர்.

அடுத்து களமிறங்கிய மெல்போர்ன் ஸ்டார்ஸ் 19 ஓவரில் 3 விக்கெட் இழப்புக்கு 211 ரன் எடுத்து வென்றது. ரோஜர்ஸ் 8, டான் லாரன்ஸ் 50 (26 பந்து, 6 பவுண்டரி, 2 சிக்சர்), கேப்டன் மேக்ஸ்வெல் 28 ரன் எடுத்து பெவிலியன் திரும்பினர். பியூ வெப்ஸ்டர் 66 ரன் (48 பந்து, 6 பவுண்டரி, 2 சிக்சர்), மார்கஸ் ஸ்டாய்னிஸ் 55 ரன்னுடன் (19 பந்து, 6 பவுண்டரி, 4 சிக்சர்) ஆட்டமிழக்காமல் இருந்தனர். ஸ்டாய்னிஸ் ஆட்ட நாயகன் விருது பெற்றார்.

You may also like

Leave a Comment

ten + seventeen =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi