சில்லி பாய்ன்ட்…

* சிங்கப்பூர் ஓபன் பேட்மின்டன் தொடரின் மகளிர் இரட்டையர் பிரிவு அரையிறுதியில் ஜப்பானின் சிஹரு ஷிடா – நமி மட்சுயாமா (4வது ரேங்க்) இணையுடன் மோதிய இந்தியாவின் த்ரீசா ஜாலி – காயத்ரி கோபிசந்த் ஜோடி 21-23, 11-21 என்ற நேர் செட்களில் தோல்வியைத் தழுவியது.
* அயர்லாந்து – இலங்கை மோதிய உலக கோப்பை டி20 பயிற்சி ஆட்டத்தில், இலங்கை 41 ரன் வித்தியாசத்தில் வென்றது. இலங்கை 20 ஓவரில் 8 விக்கெட் இழப்புக்கு 163 ரன் (மேத்யூஸ் 32* ரன்); அயர்லாந்து 18.2 ஓவரில் 122 ரன் ஆல் அவுட்.
* போர்ட் ஆப் ஸ்பெயினில் நடந்த பயிற்சி ஆட்டத்தில் ஆப்கானிஸ்தான் 55 ரன் வித்தியாசத்தில் ஸ்காட்லாந்து அணியை வீழ்த்தியது. ஆப்கான் 20 ஓவரில் 8 விக்கெட் இழப்புக்கு 178 ரன் (குல்பாதின் 69 ரன்); ஸ்காட்லாந்து 20 ஓவரில் 9 விக்கெட் இழப்புக்கு 123 ரன்.
* பிரெஞ்ச் ஓபன் ஆண்கள் இரட்டையர் பிரிவு 2வது சுற்றில் இந்தியாவின் என்.ஸ்ரீராம் பாலாஜி – எம்.ஏ.வரேலா மார்ட்டின்ஸ் (மெக்சிகோ) இணை 6-4, 3-6, 6-2 என்ற செட் கணக்கில் வென்று 3வது சுற்றுக்கு முன்னேறியது. மகளிர் ஒற்றையர் பிரிவு 4வது சுற்றில் விளையாட எலனா ரைபாகினா, அரினா சபலெங்கா, வார்வரா கிரசெவா தகுதி பெற்றனர். ஆண்கள் ஒற்றையர் பிரிவில் ஆகர் அலியஸிமி காலிறுதிக்கு முந்தைய சுற்றுக்கு முன்னேறினார்.