பெகாசஸ் நிறுவனம், சி12ஐ இஎக்ஸ் என்ற பிரீமியம் எலக்ட்ரிக் ஸ்கூட்டரை அறிமுகம் செய்துள்ளது. இதற்கு முன்பு சி12ஐ மேக்ஸ் என்ற ஸ்கூட்டரை அறிமுகம் செய்திருந்தது. இதன் ஷோரூம் விலை சுமார் ரூ.1,26,153 என நிர்ணயிக்கப் பட்டிருந்தது. அறிமுகம் செய்து 3 மாதத்திலேயே 6000 ஸ்கூட்டர்களுக்கு முன்பதிவு செய்யப்பட்டது. இந்த வரவேற்பை தொடர்ந்து சி12ஐ இஎக்ஸ் பிரீமியம் ஸ்கூட்டரை அறிவித்துள்ளது. அறிமுகச் சலுகையுடன் ஷோரூம் விலையாக சுமார் ₹99,999 என நிர்ணயிக்கப்பட்டுள்ளது. இதில், 2 கிலோவாட் அவர் லித்தியம் அயன் பேட்டரி இடம் பெற்றுள்ளது.
முழுமையாக சார்ஜ் செய்தால் 85 கி.மீ தூரம் வரை செல்லும் என, அராய் சான்று வழங்கியுள்ளது. முழுமையாக சார்ஜ் செய்ய 3 மணி நேரம் ஆகும். ஐபி-67 ரேட்டிங் கொடுக்கப்பட்டுள்ளது. இந்த ஸ்கூட்டரில் 2500 வாட் மோட்டார் இடம் பெற்றுள்ளது. யுஎஸ்பி சார்ஜிங் போர்ட், கோம்பி பிரேக்கிங், சைடு ஸ்டாண்டு சென்சார் உள்ளது. எக்கோ, ஸ்போர்ட் என இரண்டு டிரைவிங் மோட்கள் உள்ளன.
