போபால்: மபியில் காங்கிரஸ் முதல்வராக இருந்த கமல்நாத் இருந்த கமல்நாத் சிந்த்வாரா தொகுதியில் 9 முறை வெற்றி பெற்று சாதனை படைத்துள்ளார். நடைபெற உள்ள தேர்தலில் கமல்நாத்தின் மகன் நகுல்நாத் காங்கிரஸ் சார்பில் போட்டியிடுகிறார். இந்த தொகுதி உள்பட மாநிலத்தில் உள்ள 6 தொகுதிகள் ஏப்.19ம் தேதி முதல் கட்ட தேர்தலை சந்திக்கிறது. இந்நிலையில், நகுல் நாத் தனது சொத்துகள் பற்றி பிரமாண பத்திரத்தில் குறிப்பிட்டுள்ளார். அதில் தனக்கு ரூ.700 கோடிக்கு சொத்துகள் இருப்பதாக தெரிவித்துள்ளார்.
பணம், பங்குகள்,பத்திரங்கள் உள்ளிட்ட அசையும் சொத்துக்களின் மதிப்பு ரூ.649 கோடி. அசையா சொத்துகளின் மதிப்பு ரூ.48 கோடி எனவும் அவருக்கு சொந்தமாக கார் எதுவும் இல்லை என்பது அவர் சமர்ப்பித்துள்ள பிரமாண பத்திரத்தில் இருந்து தெரிய வருகிறது. நகுல்நாத் கடந்த 2019 மக்களவை தேர்தலில் அவர் போட்டியிடுகையில் சொத்து மதிப்பை ரூ.660 கோடி என குறிப்பிட்டிருந்தார்.
5 ஆண்டுகளில் அவருடைய சொத்து மதிப்பு ரூ.40 கோடி அதிகரித்துள்ளது.