Sunday, May 26, 2024
Home » ஒரு விரல் புரட்சியே… மக்களவைத் தேர்தல் வாக்குப்பதிவு தொடர்பான பல்வேறு சந்தேகங்களும் விடைகளும்!!

ஒரு விரல் புரட்சியே… மக்களவைத் தேர்தல் வாக்குப்பதிவு தொடர்பான பல்வேறு சந்தேகங்களும் விடைகளும்!!

by Porselvi

டெல்லி : தமிழ்நாடு, புதுச்சேரி உள்ளிட்ட 21 மாநிலங்கள்/யூனியன் பிரதேசங்களில் நாளை மக்களவைத் தேர்தலுக்கான முதற்கட்ட வாக்குப்பதிவு நடைபெற உள்ளது. இந்த நிலையில் வாக்குப்பதிவு தொடர்பான பல்வேறு சந்தேகங்களுக்கான விடைகளை இந்த செய்தித் தொகுப்பில் காணலாம்.

வாக்குச்சாவடி எங்குள்ளது? வாக்குச்சாவடி எண் என்ன? என்பதை எவ்வாறு அறிவது?

*electoralsearch.eci.gov.in வாக்காளர் அடையாள அட்டை எண்ணை பயன்படுத்தி பெயர், வரிசை எண், வாக்குச்சாவடி குறித்த தகவல்களை அறியலாம்.

நான் முதன்முறை வாக்காளன். வாக்குச்சாவடிக்குள் என்னென்ன நடைமுறைகள் இருக்கும்?

*வாக்குச்சாவடிக்குள் நுழைந்தவுடன் முதல் நிலை வாக்குச்சாவடி அலுவலர் பெயர் மற்றும் அடையாள ஆவணத்தை சரிபார்ப்பார்

*2-வது அலுவலர் வாக்காளரின் கையொப்பம் பெற்று, விரலில் மை வைத்து வாக்களிப்பதற்கான சீட்டை வழங்குவார்.

*மூன்றாவது அலுவலரிடம் அந்த சீட்டை வழங்கிய பின் வாக்கை பதிவு செய்யலாம்.

எனது வாக்கை வேறு ஒருவர் பதிவு செய்திருந்தால் என்னால் மீண்டும் வாக்களிக்க முடியுமா?

*தேர்தல் அதிகாரியிடம் தெரியப்படுத்தி வாக்குச்சீட்டு மூலம் வாக்கை பதிவு செய்யலாம்.

*இந்த முறையில் வாக்குச்சீட்டு மூலமாக மட்டுமே வாக்குப்பதிவு செய்யமுடியும். வாக்குப்பதிவு இயந்திரத்தில் வாக்குப்பதிவு செய்ய முடியாது.

வாக்காளரின் அடையாளத்தில் முகவருக்கு சந்தேகம் இருந்தால் என்ன செயல்முறை?

*வாக்காளரின் அடையாளத்தில் முகவருக்கு சந்தேகம் இருந்தால் வாக்குச்சாவடி தலைமை அலுவலர் விசாரணை நடத்துவார்.

*விசாரணை முடிவில், சந்தேகத்தில் உண்மை இல்லை என்றால் சம்பந்தபட்ட நபர் வாக்களிக்க அனுமதிக்கப்படுவார்.

*மாறாக சந்தேகம் உண்மையானால் காவல்துறையினரிடம் ஒப்படைக்கப்படுவார்.

நேரம் முடிந்த பின்னர் வாக்குச்சாவடிக்கு சென்றால் வாக்களிக்க முடியுமா?

*தமிழ்நாட்டில் வாக்குப்பதிவு காலை 7 மணிக்கு தொடங்கி மாலை 6 மணிக்கு நிறைவடையும். மாலை 6 மணிக்கு முன்பு வருபவர்களுக்கு மட்டுமே டோக்கன் அளிக்கப்பட்டு அனுமதி வழங்கப்படும்.

விவிபேட் இயந்திரம் என்றால் என்ன?

*வாக்காளர் எந்த வேட்பாளருக்கு வாக்களித்தார் என்பதை அறிந்து கொள்ளும் இயந்திரம்தான் விவிபேட்

*ஒவ்வொரு மின்னணு வாக்குப்பதிவு இயந்திரத்துக்கும் ஒரு விவிபேட் இயந்திரம் இருக்கும்.

*வாக்கைச் செலுத்திய பின் யாருக்கு செலுத்தியுள்ளோம் என்பதற்கான விவரம் விவிபேட் இயந்திரத்தில் பதிவாகும்.

வாக்களித்ததற்கு மாறான தகவல்களை விவிபேட் காண்பித்தால் என்ன செய்யவேண்டும்?

*வேறு வேட்பாளருக்கு வாக்கு செலுத்தியதாக காண்பித்தால் வாக்குச்சாவடி தலைமை அலுவலரிடம் புகார் அளிக்க வேண்டும்.

*வாக்குப்பதிவு இயந்திரத்தில் வாக்கை பதிவு செய்து அலுவலர் சோதித்துப் பார்ப்பார்.

*தவறு நடந்தது உறுதி செய்யப்பட்டால் விவிபேட் இயந்திரம் மாற்றம் செய்யப்படும்

You may also like

Leave a Comment

two × five =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi