திருவனந்தபுரம்: கேரள அரசின் 53வது மாநில சினிமா விருதுகள் நேற்று திருவனந்தபுரத்தில் அறிவிக்கப்பட்டன. கேரள கலாச்சாரத் துறை அமைச்சர் சஜி செரியான் விருதுகளை அறிவித்தார். விருதுகள் குறித்த விவரங்கள் வருமாறு: சிறந்த நடிகர் மம்மூட்டி (படம்-நண்பகல் நேரத்து மயக்கம்), சிறந்த நடிகை வின்சி அலோஷியஸ் (படம்- ரேகா), சிறந்த படம்- லிஜோ ஜோஸ் பெல்லிசேரி இயக்கிய நண்பகல் நேரத்து மயக்கம்.
சிறந்த இயக்குனர் மகேஷ் நாராயணன்- படம் அறியிப்பு, சிறந்த புதுமுக இயக்குனர் ஷாஹி கபீர் – படம் இலவீழா பூஞ்சிறா, சிறந்த பாடகர் கபில் கபிலன், பாடகி மிருதுளா வாரியர், சிறந்த பாடலாசிரியர் ரபீக் அகமது, சிறந்த இசையமைப்பாளர் எம். ஜெயச்சந்திரன். நடிகர் மம்மூட்டிக்கு இது, சிறந்த நடிகருக்கான 8வது மாநில விருது என்பது குறிப்பிடத்தக்கது.