Sunday, June 16, 2024
Home » நாளை மறுதினம் நடைபெறும் தேர்தல் ஏற்பாடுகள் குறித்து கலெக்டர்கள், ஐஜிக்கள், டிஐஜிக்கள், எஸ்பிக்களுடன் மாநில தலைமைத் தேர்தல் அதிகாரி ஆலோசனை

நாளை மறுதினம் நடைபெறும் தேர்தல் ஏற்பாடுகள் குறித்து கலெக்டர்கள், ஐஜிக்கள், டிஐஜிக்கள், எஸ்பிக்களுடன் மாநில தலைமைத் தேர்தல் அதிகாரி ஆலோசனை

by Lakshmipathi

திருப்பதி : நாளை மறுதினம் நடைபெறும் தேர்தல் ஏற்பாடுகள் குறித்து கலெக்டர்கள், ஐஜிக்கள், டிஐஜிக்கள், எஸ்பிக்களுடன் மாநில தலைமை தேர்தல் அதிகாரி ஆலோசனை நடத்தினார்.
ஆந்திராவில் நாளை மறுதினம் சட்டமன்ற மற்றும் நாடாளுமன்ற தேர்தல் நடைபெறுகிறது. இந்த தேர்தலுக்கான ஏற்பாடுகள் குறித்து நேற்று மாவட்ட தேர்தல் அதிகாரிகள், ஐஜிக்கள், டிஐஜிக்கள், வெலகபுடி மாநில சிபிக்கள், எஸ்பிக்கள் ஆலோசனை நடத்தினர். உள்கட்டமைப்பு விரிவாக்கத் திட்டத்தை செயல்படுத்துவது குறித்து மாநில தலைமைத் தேர்தல் அதிகாரி முகேஷ்
குமார் மீனா தலைமைச் செயலகத்தில் இருந்து காணொலி காட்சி மூலம் ஆய்வு நடத்தி வழிகாட்டுதல்களை வழங்கினார்.

இதில் திருப்பதி கலெக்டர் அலுவலகத்தில் இருந்து கலெக்டர் பிரவீன் குமார் மற்றும் எஸ்பி கிருஷ்ண காந்த் படேல் ஆகியோருடன் மாவட்டத் தேர்தல் அதிகாரி சம்பந்தப்பட்ட அதிகாரிகள் கலந்து கொண்டு கொண்டனர். மாவட்டத்தில் தேர்தலை சுமூகமாகவும், வெளிப்படையாகவும் நடத்த அனைத்து ஏற்பாடுகளும் செய்யப்பட்டு தயாராக உள்ளோம் என கலெக்டரும், மாவட்ட தேர்தல் அலுவலருமான பிரவீன்குமார் தெரிவித்தார்.

இம்மாதம் 13ம் தேதி பொதுத்தேர்தல் நடைபெறவுள்ள நிலையில், தேர்தலுக்கு 72 மணி நேரம் முன்னதாக செய்ய வேண்டிய ஏற்பாடுகள், உள்கட்டமைப்பு விரிவாக்கத் திட்டத்தை
செயல்படுத்துதல் உள்ளிட்டவை குறித்து மாநில தலைமை தேர்தல் ஆணையருக்கு விளக்குகையில் மாவட்டத்தில் வாக்குப்பதிவு மையங்களில் மின்னணு வாக்குப்பதிவு இயந்திரம் பொருத்தும் பணிகள் நிறைவடைந்துள்ளது. வாக்குச்சாவடி மையங்களில் நிழல், குடிநீர், மின்விளக்கு, சாய்வுதளம், சக்கர நாற்காலி வசதி, குறைந்தபட்ச உள்கட்டமைப்பு வசதிகள் செய்யப்பட்டுள்ளது என்று கலெக்டர் விளக்கினார்.

வாக்காளர் சீட்டு விநியோகம் முறையாக நடைபெற்று வருவதாகவும், 11ம் தேதி வாக்குச்சாவடி பணியாளர்கள் ரேண்டம் செய்யப்படுவார்கள். தேர்தலுக்கு முன் மேற்கொள்ள வேண்டிய நடைமுறைகள் எஸ்ஓபியின்படி, தேர்தல் நாள் மேலாண்மை முறையைப் பயன்படுத்தி மேற்கொள்ளப்பட்டு வருவதாகவும், வாக்குப்பதிவு செய்யப்பட்ட மின்னணு வாக்குப்பதிவு இயந்திரங்கள்
பலத்த பாதுகாப்புடன் வலுவான அறையில் வைக்கப்படும் என்றும் அவர் கூறினார்.

தேர்தல் சுமூகமாக நடைபெற அனைத்து வழிகளிலும் தேர்தல் ஆணைய விதிகளின்படி அமைதியான சூழலில் வெளிப்படையான தேர்தலை நடத்த தயாராக உள்ளோம்.
இவ்வாறு அவர் கூறினார். நிகழ்ச்சியில் காவல்துறை எஸ்பி கிருஷ்ணா காந்த், டிஆர்ஓ, பென்சல கிஷோர், கூடுதல் எஸ்.பி வெங்கடராவ், மாவட்ட நோடல் அலுவலர்கள், தேர்தல் பிரிவு
பணியாளர்கள் மற்றும் அலுவலர்கள் பங்கேற்றனர்.

You may also like

Leave a Comment

three × one =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi