புதிய பேருந்துகள் வாங்கப்பட்டு முதிர்ந்த பேருந்துகளை நீக்கம் செய்ய நடவடிக்கை: இபிஎஸ்-க்கு சிவசங்கர் பதில்

சென்னை: புதிய பேருந்துகள் வாங்கப்பட்டு முதிர்ந்த பேருந்துகளை நீக்கம் செய்ய நடவடிக்கை எடுக்கப்பட்டுள்ளது என்று இபிஎஸ்-க்கு சிவசங்கர் பதில் அளித்துள்ளார். திமுக ஆட்சி காலத்தில் போக்குவரத்து கழகங்களின் செயல்பாடுகள் குறித்து அறிக்கை விடுத்துள்ளார். 2011-2021 வரையிலான 10 ஆண்டு காலத்தில் அதிமுக அரசு 14,489 புதிய பேருந்துகளை வாங்கியுள்ளது. 2006-2011 வரையிலான 5 ஆண்டு காலத்தில் திமுக அரசு 15,005 புதிய பேருந்துகளை வாங்கியுள்ளது. தடை இல்லாத பேருந்து சேவையை மக்களுக்கு அளிக்க தேவையான நடவடிக்கை எடுக்கப்படுகிறது. அரசு பேருந்துகளை பராமரிப்பதில் தனிக்கவனம் செலுத்தப்பட்டு வருகிறது என்று அமைச்சர் சிவசங்கர் கூறியுள்ளார்.