ராமநாதபுரம்: ராமநாதபுரம் மாவட்டம், திருப்புல்லானி அருகே, பெரியபட்டினம் கடற்கரை பகுதியில் நேற்று அதிகாலை குற்றப்புலனாய்வு பிரிவினர் வாகன சோதனை நடத்தினர். அப்போது அவ்வழியாக வந்த சரக்கு வேனில் இருந்த டிரைவர் இறங்கி தப்பியோடினார். வேனை சோதனை செய்தபோது ₹4 கோடி மதிப்பிலான வலி நிவாரணி மாத்திரைகள் இருப்பது தெரிய வந்தது. இதையடுத்து வேனில் இருந்த நம்பியான்வலசையைச் சேர்ந்த தர் (20) என்பவரை கைது செய்தனர்.