மும்பை ஓடும் ரயிலில் தவறி விழுந்த பயணியை பெண் ரயில்வே ஊழியர் காப்பாற்றும் வீடியோ வைரல்..!!

மும்பை: மும்பை பாந்த்ரா ரயில் நிலையத்தில் ஓடும் ரயிலில் இருந்து நடை மேடையில் விழுந்த பெண் பயணியை அங்கு பணியில் இருந்த ரயில்வே பெண் ஊழியர் காப்பாற்றிய காணொளி இணையத்தில் பரவி வருகிறது. மும்பையில் உள்ள பாந்த்ரா ஸ்டேஷனில், ரயிலில் ஏறும் பெண்ணின் உயிரைக் ரயில்வே பெண் ஊழியர் காப்பாற்றினார். ஒரு பெண் பயணி தனது உறவினருடன் மும்பையின் பாந்த்ரா டெர்மினஸ் நிலையத்திற்கு ரயிலைப் பிடிக்க வந்திருந்தார்.

அப்போது அந்த பெண் பயணி எதிரே வந்த ரயிலில் ஏற ஓடினார். ஆனால், ரயில் நடைமேடையில் நிற்கும் முன், அந்தப் பெண் பயணி ரயிலில் ஏறத் தொடங்கினார். அப்போது அந்த பெண் தவறி கீழே விழுந்தார். அப்போது, அங்கு பணிபுரியும் பெண் காவலர் ஒருவர் அந்தப் பெண்ணை நோக்கி விரைந்து வந்து இழுத்து அவரின் உயிரை காப்பாற்றினார். இந்த சம்பவம் வீடியோ சிசிடிவியில் பதிவாகி மேற்கு ரயில்வே தனது ட்விட்டர் பக்கத்தில் பகிர்ந்துள்ளது. இந்த காணொளிக்கு பலரும் கருத்து தெரிவித்தும், பெண் காவல்துறை அதிகாரியின் துணிச்சலையும், துணிச்சலையும் பாராட்டி வருகின்றனர். மேலும், பயணத்தின் போது கவனமாக இருக்கவும் அறிவுறுத்தப்பட்டுள்ளது.