நேற்று மதியம் 12.30 மணியளவில் இருவரும் பணியில் இருந்தனர். அப்போது பாலவநத்தம் அருகே உள்ள கடம்பன்குளத்தை சேர்ந்த வசந்தகுமார் (23) என்பவர் வந்து ஓசியாக பிராந்தி பாட்டில் கேட்டுள்ளார். இதற்கு செந்தில்குமார் பணமின்றி தர மறுத்துள்ளார். உடனே வசந்தகுமார், ‘நான் யார் தெரியுமா? ஓசியில் பிராந்தி பாட்டில் கொடுக்கவில்லை என்றால் என்ன செய்கிறேன் பார் என கூறிவிட்டு சென்றுவிட்டார். மாலை 3.30 மணியளவில் மீண்டும் வந்த வசந்தகுமார் ஓசியில் பிராந்தி பாட்டில் கேட்டுள்ளார்.
செந்தில்குமார் தர மறுக்கவே வசந்தகுமார் பெட்ரோல் நிரப்பி வந்த பாட்டிலை அவர் மீது வீசினார். அவர் ஒதுங்கியதால் அவர் மீது படவில்லை. இதையடுத்து வசந்தகுமார் கீழே விழுந்த பாட்டிலை உடைத்து செந்தில்குமாரை குத்த முயன்றார். அங்கிருந்தவர்கள் அவரை மடக்கி பிடித்ததால் செந்தில்குமார் தப்பினார். இது குறித்து செந்தில்குமார் கொடுத்த புகாரின் பேரில், அருப்புக்கோட்டை தாலுகா போலீசார் வழக்குப்பதிவு செய்து வசந்தகுமாரை கைது செய்து விசாரித்து வருகின்றனர்.