சேலம்: சேலம் கரியகோவில் நீர்த்தேக்கத்தில் இருந்து பழைய பாசன பகுதிகளுக்கு இன்று நீர் திறக்கப்படுகிறது. நாளொன்றுக்கு 3.45 மில்லியன் கனஅடி வீதம் 11 நாட்களுக்கு பழைய பாசன பகுதிகளுக்கு நீர் திறக்க உத்தரவிடப்பட்டுள்ளது. புதிய பாசன பகுதிகளுக்கு மார்ச் 6 முதல் தினமும் 2.59 மில்லியன் கனஅடி வீதம் 10 நாள் நீர்திறக்க உத்தரவு பிறப்பிக்கப்பட்டுள்ளது. நீர் திறப்பால் சேலம் பாப்பநாயக்கன்பட்டி, தும்பல், இடையப்பட்டி கிராமத்திலுள்ள நிலங்கள் பாசன வசதி பெறும் என கூறப்படுகிறது.