டெல்லி: முதுநிலை மருத்துவப் படிப்புகளுக்கான நீட் தேர்வு ஜூலை 7ம் தேதி நடக்கும் என அறிவிப்பு வெளியாகி உள்ளது. இளநிலை மருத்துவ படிப்புகள் மற்றும் முதுநிலை மருத்துவ படிப்புகளில் சேருவதற்கு தனித்தனியாக தகுதித்தேர்வை தேசிய தேர்வு முகமை ஒவ்வொரு ஆண்டும் நடத்தி வருகிறது.
பிளஸ் 2 பொதுத்தேர்வு முடிந்த பின்னர் இளநிலை நீட் தேர்வு நடத்தப்படும். முதுநிலை நீட் தேர்வின் வாயிலாக எம்.டி., எம்.எஸ் மற்றும் முதுகலை டிப்ளமோ மருத்துவ படிப்புகளில் மாணவர்கள் இணைந்து கொள்ள முடியும். அந்த வகையில் மார்ச் 3ம் தேதி முதுநிலை மருத்துவப் படிப்புகளுக்கான நீட் தேர்வு நடக்கும் என அறிவிக்கப்பட்டிந்தது. தற்போது, இந்த நீட் தேர்வு, ஜூலை 7ம் தேதி நடக்கும் என அறிவிப்பு வெளியாகி உள்ளது.
2024 ஆம் ஆண்டு மார்ச் 3 ஆம் தேதி தற்காலிகமாக நடத்தப்படும் என்று முன்னர் அறிவிக்கப்பட்டது. NEET-PG 2024 இப்போது ஜூலை 7, 2024 அன்று நடத்தப்படும். NEET-PG 2024ல் தகுதிக்கான கட்-ஆஃப் மதிப்பெண்ணை வெளியிட ஆகஸ்ட் 15ம் தேதி இருக்கும் என்று அறிவித்துள்ளனர். மேற்கண்ட தேதிகள் முற்றிலும் தற்காலிகமானவை மற்றும் ஒப்புதல்கள் மற்றும் உறுதிப்படுத்தல்களுக்கு உட்பட்டவை என்பதால், தேர்வுகளின் சரியான தேதிகளை தகவல்களை NBEMS இணையதளத்தில் இருந்து தேர்வு செய்ய விண்ணப்பதாரர்கள் அறிவுறுத்தப்படுகிறார்கள்.
இந்தத் தேர்வுகளின் தகவல் அறிவிப்புகள், விண்ணப்பப் படிவங்கள் மற்றும் இந்தத் தேர்வுகளின் பிற விவரங்களுக்கு அறிவிக்கப்பட்டவுடன் https://natboard.edu.in என்ற NBEMS இணையதளத்தைப் அணுகவும். ஏதேனும் தகவல், தெளிவு உதவிக்கு, NBEMS க்கு அதன் தகவல் தொடர்பு இணைய போர்ட்டலில் https://exam.natboard.edu.in/communication.php?page=main என்ற இணையதளத்தில் தேர்வர்கள் பதிவு செய்யலாம் என்று அறிவித்துள்ளனர்.