சென்னை: நாகர்கோவில்-தாம்பரம் அந்தியோதயா விரைவு ரயில் விருதுநகரில் இருந்து இன்று புறப்படும் என தெற்கு ரயில்வே அறிவித்துள்ளது. குமரி அருகே வங்கக் கடலில் ஏற்பட்டுள்ள வளிமண்டல கீழடுக்கு சுழற்சி காரணமாக நெல்லை, தூத்துக்குடியில் வரலாறு காணாத மழை பெய்து வருகிறது. தென்காசி, குமரி, நாகர்கோயில், ராமநாதபுரம்,மதுரை, விருதுநகர் ஆகிய மாவட்டங்களிலும் மழை பெய்து வருகிறது. பல பகுதிகளை வெள்ளம் சூழ்ந்துள்ளதால் மக்கள் கடுமையாக பாதிக்கப்பட்டுள்ளனர். இதையடுத்து தென் மாவட்டங்களில் கனமழை தொடரும் நிலையில் முன்னெச்சரிக்கை நடவடிக்கையாக வந்தே பாரத் ரயில் உள்பட பல ரயில் சேவைகள் ரத்து செய்யப்பட்டுள்ளதாக தெற்கு ரயில்வே அறிவித்துள்ளது.
கன்னியாகுமரி – சென்னை எழும்பூர் விரைவு ரயில் இன்று மதுரையில் இருந்து புறப்படுகிறது. நாகர்கோவில் – தாம்பரம் விரைவு ரயில் கோவில்பட்டியில் இருந்து இன்று புறப்படும். நாகர்கோவில் கன்னியாகுமரி, நாகர்கோவில் -நெல்லை, கொச்சுவேலி – கோரக்பூர் சிறப்பு ரயில்கள் இன்று ரத்து செய்யப்பட்டுள்ளது. நாகர்கோவில் – தாம்பரம் அந்தியோதயா விரைவு ரயில் விருதுநகரில் இருந்து இன்று புறப்படும். கொல்லம் – சென்னை எழும்பூர் அனந்தபுரி விரைவு ரயில் கோவில்பட்டியில் இருந்து புறப்படும். கன்னியாகுமரி – புனலூர் விரைவு ரயில் இன்று நாகர்கோவிலில் இருந்து புறப்படும் என்றும் தெற்கு ரயில்வே அறிவித்துள்ளது.