மட்டன் சாப்ஸ்

தேவையான பொருட்கள்:

மட்டன் – 1 கிலோ
பட்டை – 2 துண்டு
ஏலக்காய் – 6
கிராம்பு – 8
மிளகு – ஒரு தேக்கரண்டி
வெங்காயம் – 8
பச்சைமிளகாய் – 15
தக்காளி – 6
மிளகாய் தூள் – ஒரு டீஸ்பூன்
தனியா தூள் – அரை டீஸ்பூன்
மட்டன் மசாலா – 6 தேக்கரண்டி
தயிர், உப்பு – தேவையான அளவு
எண்ணெய் – தேவையான அளவு.

செய்முறை:

முதலில் மட்டனை நன்றாக கழுவி சுத்தம் செய்து எடுத்துக் கொள்ளவும். குக்கரை அடுப்பில் வைத்து சூடானதும் அதில் பட்டை, ஏலக்காய், மிளகு, கிராம்பு போட்டு தாளித்த பின்னர் வெங்காயம், பச்சை, மிளகாய் சேர்த்து வதக்கவும். வெங்காயம் நன்றாக வதங்கி பொன்னிறமாக வந்த பிறகு தக்காளியை சேர்த்து வதக்கவும். தக்காளி நன்றாக வதங்கியதும் மட்டன் சேர்த்து நன்றாக வதக்கவும். அடுத்ததாக அதில் மட்டன் மசாலா, மிளகாய்த் தூள், தனியா தூள், தயிர், உப்பு சேர்த்து, நன்கு கொதி வந்தவுடன் குக்கரை மூடி 6 விசில் போட்டு இறக்கவும். விசில் போனவுடன் குக்கர் மூடியை திறந்து புதினா, கொத்தமல்லி சேர்த்து இறக்கினால் மட்டன் சாப்ஸ் ரெடி.