லக்னோவில் நீதிமன்ற வளாகத்தில் மர்ம நபர்கள் துப்பாக்கிசூடு; ஒருவர் உயிரிழப்பு: காவலர் படுகாயம்

லக்னோ: லக்னோவில் நீதிமன்ற வளாகத்தில் நடைபெற்ற துப்பாக்கிசூட்டில் ஒருவர் உயிரிழந்துள்ளார். நீதிமன்ற வளாகத்தில் துப்பாக்கிசூடு நடத்தி சஞ்சீவ் ஜீவா என்பவர் கொலை செய்யப்பட்டுள்ளார். வழக்கறிஞர் உடையில் வந்த கொலையாளிகள் துப்பாக்கிசூடு நடத்திவிட்டு தப்பியோடினர்.

லக்னோ நீதிமன்றத்தில் சஞ்சீவ் ஜீவா என்பவரை சில அடையாளம் தெரியாத சில மர்ம நபர்கள் துப்பாக்கியால் சுட்டுக்கொன்றனர். நீதிமன்ற வளாகத்தில் துப்பாக்கிசூடு நடைபெற்றபோது சஞ்சீவ் ஜீவா என்பவர் கொல்லப்பட்டதுடன், ஒரு இளம்பெண்ணும் காயமடைந்துள்ளார்.

பிரபல தாதா முக்தர் அன்சாரியின் உதவியாளராக இருந்த சஞ்சீவ் ஜீவா, பாஜக எம்எல்ஏ பிரமோத் திவோத் கொலை வழக்கில் முக்தர் அன்சாரியுடன் குற்றம்சாட்டப்பட்டவர் என தெரிவிக்கப்பட்டுள்ளது. குற்ற வழக்கு விசாரணைக்காக லக்னோ நீதிமன்றத்திற்கு அவர் அழைத்து வரப்பட்டிருந்தார். இத்தகைய சூழலில் அவர் மீது துப்பாக்கிசூடு நடத்தப்பட்டுள்ளது.

மேலும் இவர் மீது பல குற்றவழக்குகள் பதிவு செய்யப்பட்டுள்ளது. வழக்கறிஞர்கள் போல் உடையணிந்து நீதிமன்றத்தில் வந்து சில நபர்கள் அவர் மீது துப்பாக்கிசூடு நடத்தினர். துப்பாக்கிசூடு நடத்திய பின்னர் அந்த மர்ம நபர்கள் அங்கிருந்து தப்பி சென்றுள்ளனர். இந்த சம்பவத்தில் காவலர் ஒருவர் காயப்பட்டதாகவும் அவர் சிகிச்சைக்காக மருத்துவமனையில் அனுமதிக்கப்பட்டுள்ளதாக தெரிவிக்கப்பட்டுள்ளது.

Related posts

வயநாடு தொகுதி எம்.பி. பதவியை ராஜினாமா செய்கிறார் ராகுல்காந்தி: இடைத்தேர்தலில் பிரியங்கா காந்தி போட்டி

நான் முதல்வன்’ திட்டத்தின் கீழ் ஒரு வாரம் இங்கிலாந்தில் பயிற்சி முடித்து சென்னை திரும்பிய 25 மாணவர்கள் முதல்வர் மு.க.ஸ்டாலினை சந்தித்து வாழ்த்து பெற்றனர்

பக்தர்கள் அளிக்கும் காணிக்கை மோசடி தொடர்பாக பேசியதால் முன்னாள் கோயில் அறங்காவலரை வழிமறித்து கத்தி முனையில் கொலை மிரட்டல்: அர்ச்சகர் காளிதாஸ் உட்பட 5 பேர் மீது வழக்கு பதிவு