பெங்களூரு: பெங்களூரு, வடக்கு தொகுதி பாஜ வேட்பாளராக ஒன்றிய இணை அமைச்சர் ஷோபா கராந்தலஜே போட்டியிடுகிறார். இதையொட்டி கே.ஆர்புரத்தில் பிரசாரத்தில் ஷோபா பங்கேற்று வருகிறார். இந்நிலையில், கே.ஆர்.புரம் பகுதியில் நேற்று கணபதி கோவில் அருகே ஷோபா பிரசாரத்தில் ஈடுபட்டுக்கொண்டிருந்த போது அவரின் பிரசார கார் திடீரென்று நின்றுள்ளது.
அப்போது கார் டிரைவர் கதவை திறந்த போது பின் பகுதியில் இருந்து வந்த பைக் மோதியது. கண்ணிமைக்கும் நேரத்தில் நடந்த இந்த சம்பவத்தில் பைக்கில் வந்த 60 வயதான பிரகாஷ் கீழே விழுந்துள்ளார். அப்போது அதே வழித்தடத்தில் அதிவேகமாக சென்ற தனியார் பஸ்சின் சக்கரம் பிரகாஷ் மீது ஏறியதாக போலீஸ் வட்டாரங்கள் தெரிவித்தன. இதில் படுகாயம் அடைந்த பிரகாஷ் உயிரிழந்தார்.