பெங்களூரு: பெங்களூரு தெற்கு தொகுதி பாஜக வேட்பாளர் தேஜஸ்வி சூர்யாவின் சொத்து மதிப்பு 5 ஆண்டுகளில் 30 மடங்கு உயர்ந்துள்ளது. பெங்களூரு தெற்கு தொகுதி பாஜக வேட்பாளர் தேஜஸ்வி சூர்யா தனக்கு அசையா சொத்துக்கள் எதுவும் இல்லை என்று அறிவித்திருந்தார். 2019 மக்களவைத் தேர்தலில் அவர் அறிவித்த ரூ.13 லட்சத்தை விட 31.5% அதிக சொத்து மதிப்பு ரூ.4.10 கோடி என பாஜக எம்பி அறிவித்துள்ளார். சூர்யாவின் மொத்த சொத்து ரூ.4.10 கோடியில் மியூச்சுவல் ஃபண்டுகளில் ரூ.1.99 கோடி முதலீடு மற்றும் ரூ.1.79 கோடிக்கு மேல் பங்குகளில் முதலீடு ஆகியவை அடங்கும்.
பெங்களூர் சட்ட ஆய்வுகள் கழகத்தின் முன்னாள் மாணவரும், கர்நாடக உயர் நீதிமன்றத்தில் வழக்கறிஞருமான இவர், பா.ஜ.க தலைவர் மற்றும் பசவனகுடி ரவி சுப்ரமணியாவின் மருமகன் ஆவார். கடந்த தேர்தலில் தேஜஸ்வி சூர்யாவின் சொத்து மதிப்பு ரூ.13.46 லட்சமாக இருந்த நிலையில் தற்போது ரூ.4.1 கோடியாக அதிகரித்துள்ளது. ரூ.4.1 கோடி சொத்து மதிப்பு கொண்ட பாஜக வேட்பாளர் தேஜஸ்வி சூர்யாவுக்கு சொந்தமாக வீடு, கார் இல்லை என தெரிவிக்கப்பட்டுள்ளது குறிப்பிடத்தக்கது.