மருத்துவம் சார்ந்த படிப்புக்கு இன்று முதல் விண்ணப்பம்

சென்னை: 2023-24ம் ஆண்டிற்கான மருத்துவம் சார்ந்த பட்டப் படிப்புகளுக்கு இன்று முதல் இணையதளம் வாயிலாக விண்ணப்பிக்கலாம் என மருத்துவக் கல்வி மற்றும் ஆராய்ச்சி இயக்ககம் அறிவித்துள்ளது. இது தொடர்பாக மருத்துவக் கல்வி மற்றும் ஆராய்ச்சி இயக்ககம் வெளிட்டுள்ள செய்தி குறிப்பு: 2023-2024ம் கல்வி ஆண்டில் மருத்துவம் சார்ந்த பட்டப்படிப்புகளுக்கு (பாராமெடிக்கல்) அங்கீகரிக்கப்பட்ட அரசு மற்றும் சுயநிதி கல்லூரிகளில் சேருவதற்கான இணையவழி விண்ணப்பங்கள் வரவேற்கப்படுகின்றன. அதன்படி, தகவல் தொகுப்பேடு மற்றும் விண்ணப்பத்தினை www.tnhealth.tn.gov.in / www.tnmedicalselection.org என்ற இணையதளம் மூலம் விண்ணப்பிக்கலாம். இந்த விண்ணப்பத்திற்கான பதிவு இன்று முதல் தொடங்கி வரும் 28ம் தேதி வரை நடைபெறவுள்ளது. இவ்வாறு அந்த செய்தி குறிப்பில் தெரிவிக்கப்பட்டுள்ளது.