இந்த நிலையில், இன்று மாலை ஏற்காட்டில் இருந்து தனியார் பேருந்து 50-க்கும் மேற்பட்ட பயணிகளுடன் ஏற்காட்டில் இருந்து சேலம் நோக்கி வந்துகொண்டிருந்தது. அப்போது மலை பாதையில் 11-வது கொண்டைஊசி வளைவு பகுதியில் திடீரென நிலைதடுமாறி பேருந்து பள்ளத்தில் கவிழ்ந்தது. இந்த விபத்தில் பேருந்தில் இருந்த அனைவரும் படுகாயமடைந்தனர். தொடர்ந்து ஒரு சிறுவன், 3 ஆண்கள் சம்பவ இடத்திலேயே உயிரிழந்தனர்.
உடனடியாக தகவலறிந்து வந்த ஏற்காடு போலீசார், தீயணைப்புதுறையினர் மற்றும் சேலம் மாவட்ட ஆட்சியர் பிரிந்தா தேவி ஆகியோர் விபத்து நிகழ்ந்த இடத்திற்க்கு சென்று 10-க்கும் மேற்பட்ட ஆம்புலன்ஸ்களை வரவழைத்து படுகாயமடைந்த அனைவரையும் சேலம் அரசு மருத்துவமனைக்கு அழைத்துசென்றனர். மருத்துவமனைக்கு கொண்டுசெல்லும் வழியில் ஒருவர் உயிரிழந்துள்ளார். தொடர்ந்து 45 பேர் தீவிர சிகிச்சை பிரிவில் அனுமதிக்கபட்டுள்ளனர்.