டொயோட்டா நிறுவனம், புதிய தலைமுறைக்கான டொயோட்டா வெல்பையர் காரை அறிமுகம் செய்துள்ளது. இதில், எச்ஐ மற்றும் விஐபி என 2 வேரியண்ட்கள் உள்ளன. இந்த எம்பிவியில் 2.5 லிட்டர் 4 சிலிண்டர் கொண்ட பெட்ரோல் இன்ஜின் இடம் பெற்றுள்ளது. இ-சிவிடி யூனிட்டுடன் ஹைபிரிட் காராக உருவாக்கப்பட்டுள்ளது. இந்த இன்ஜின் அதிகபட்சமாக 193 எச்பி பவரையும், 240 என்எம் டார்க்கையும் வெளிப்படுத்தும். அதிகபட்சமாக ஒரு லிட்டர் பெட்ரோலுக்கு 19.28 கிமீ மைலேஜ் வழங்கும் என இந்த நிறுவனம் தெரிவித்துள்ளது.
டொயோட்டாவின் மாடுலர் டிஎன்ஜிஏ-கேயை அடிப்படையாகக் கொண்டு பிளாட்பார்மில் உருவாகியுள்ள இந்த கார், இதற்கு முந்தைய மாடலை விட சற்று சிறிதாக வடிவமைக்கப்பட்டுள்ளது. 14 அங்குல தொடுதிரையுடன் கூடிய இன்போடெயின்மென்ட் சிஸ்டம், பெரிய ஓவர்ஹெட் கன்சோல். அடாஸ் தொழில்நுட்பம், குரூஸ் கன்ட்ரோல் உட்பட பல்வேறு அம்சங்கள் இடம் பெற்றுள்ளன. ஷோரூம் விலையாக எச்ஐ மாடல் சுமார் ரூ.1.2 கோடி எனவும், விஐபி சுமார் ரூ.1.3 கோடி எனவும் நிர்ணயிக்கப்பட்டுள்ளது.