இந்த நிலையில் மருத்துவமனையின் உரிம ரத்தை எதிர்த்து மருத்துவமனை நிர்வாகம் சென்னை உயர்நீதிமன்றத்தில் வழக்கு தொடுத்தது. இந்த வழக்கை விசாரித்த நீதிபதி சுவாமிநாதன், எடை குறைப்பு அறுவை சிகிச்சையில் இளைஞர் ஹேமசந்திரன் உயிரிழந்த மருத்துவமனையின் உரிமம் ரத்து செல்லாது என்று உத்தரவிட்டார். அதோடு நோயாளியிடம் முன்பே அனுமதி பெற்ற பின்பு தான் அறுவை சிகிச்சை மேற்கொள்ளப்பட்டது என்றும் 23 ஆண்டுகளாக சிறப்பான முறையில் செயல்பட்டு வந்த மருத்துவமனையிடம் உரிய விளக்கம் கேட்காமல் உரிமம் ரத்து செய்யப்பட்டது தவறு என்றும் கூறினார். மேலும் மருத்துவமனை தொடர்ந்து செயல்படவும் அனுமதி வழங்கி உள்ளார். மருத்துவமனைகள் வணிக நோக்கில் செயல்படும் போது குறைந்த அளவிலான கட்டணத்தை வசூலிக்கும் மருத்துவமனைகள் அவசியம் தேவை என்றும் எனவே இந்த மருத்துவமனைகளின் பங்களிப்பை அங்கீகரிக்க வேண்டும் என்றும் சுவாமிநாதன் குறிப்பிட்டார்.