கனடாவில் நடக்கும் மான்ட்ரியல் ஓபன் டென்னிஸ் தொடரின் மகளிர் ஒற்றையர் பிரிவு காலிறுதியில் விளையாட, நம்பர் 1 வீராங்கனை இகா ஸ்வியாடெக் (22 வயது, போலந்து) தகுதி பெற்றார். காலிறுதிக்கு முந்தைய சுற்றில் செக் குடியரசின் கரோலினா முச்சோவாவுடன் (26 வயது, 17வது ரேங்க்) நேற்று மோதிய இகா ஸ்வியாடெக் 6-1, 4-6, 6-4 என்ற செட் கணக்கில் 2 மணி, 47 நிமிடம் போராடி வென்றார். முன்னணி வீராங்கனைகள் கோகோ காஃப், ஜெஸ்ஸிகா பெகுலா, டேனியலி கோலின்ஸ் (அமெரிக்கா), எலனா ரைபாகினா (கஜகஸ்தான்), டாரியா கசட்கினா (ரஷ்யா) ஆகியோரும் காலிறுதிக்கு முன்னேறி உள்ளனர்.