உத்தமபாளையம், ஏப். 4: உத்தமபாளையத்தை அடுத்த கோவிந்தன்பட்டியில் கோயில் திருவிழா நடந்து வருகிறது. இதற்காக விழா கமிட்டியினர் ஒலிபெருக்கி அமைத்திருந்தனர். நேற்று அதிகாலை 4 மணியளவில் ஒலிபெருக்கி மூலம் பாட்டு ஒலிக்கப்பட்டது. அங்கு பாதுகாப்பில் இருந்த போலீசார், அதிகாலையில் மைக்செட் போட வேண்டாம் என தடுத்து நிறுத்தியதாக கூறப்படுகிறது.
மேலும் மைக்செட் போட்டவரை போலீசார் தாக்கியதாக கூறப்படுகிறது. இதனை கண்டித்து நேற்று காலை அனுமந்தன்பட்டி-கோவிந்தன்பட்டி சாலையில் மறியல் போராட்டத்தில் ஈடுபட்டனர். இதனை அடுத்து அதிகாலையிலேயே போக்குவரத்து தடைபட்டது. இதனை அடுத்து போலீசார் பேச்சுவார்த்தை நடத்தினர். இதனை தொடர்ந்து மீண்டும் வாகனங்கள் செல்லத் தொடங்கின. மறியல் காரணமாக சுமார் ஒன்றரை மணி நேரம் போக்குவரத்து பாதிக்கப்பட்டது.