அருமனை மேலத்தெரு முத்தாரம்மன் கோயில் கொடை விழா

நாகர்கோவில், மார்ச் 16: அருமனை மேலத்தெரு முத்தாரம்மன் கோயில் கொடை விழா நாளை (ஞாயிற்றுக்கிழமை) தொடங்கி வருகிற புதன்கிழமை வரை நடைபெறுகிறது. விழா நாட்களில் தினசரி காலை 6 மணிக்கு உஷ பூஜை, 7 மணிக்கு கோயில் சம்பந்தமான சடங்குகள், மதியம் 12 மணிக்கு தீபாராதனை, தொடர்ந்து அன்னதானம், மாலை 6 மணிக்கு தீபாராதனை, தொடர்ந்து பஜனை, நடனம் போன்ற நிகழ்ச்சிகள் நடைபெறுகிறது. செவ்வாய்க்கிழமை மதியம் 2 மணிக்கு கரம் எடுத்தல், மாலை 5 மணிக்கு வில்லிசை நடைபெறுகிறது. புதன்கிழமை காலை 6 மணிக்கு கோயில் சம்பந்தமான சடங்குகள், 8 மணிக்கு தீபாராதனை, 9 மணிக்கு அம்மன் பவனி வருதல், மாலை 4.30 க்கு பொங்காலை, உச்சக்கொடை நடைபெறுகிறது.