Wednesday, February 28, 2024
Home » வில்லியம்சன் 112*, ரவிந்திரா 118* நியூசிலாந்து ரன் குவிப்பு

வில்லியம்சன் 112*, ரவிந்திரா 118* நியூசிலாந்து ரன் குவிப்பு

by Francis

மவுன்ட் மவுங்கானுயி: தென் ஆப்ரிக்க அணியுடனான முதல் டெஸ்டில், கேன் வில்லியம்சன் – ரச்சின் ரவிந்திரா ஜோடியின் அபார ஆட்டத்தால் நியூசிலாந்து முதல் இன்னிங்சில் 2 விக்கெட் இழப்புக்கு 258 ரன் எடுத்துள்ளது.
பே ஓவல் மைதானத்தில் நேற்று தொடங்கிய இப்போட்டியில், டாஸ் வென்ற தென் ஆப்ரிக்கா முதலில் பந்துவீசியது. லாதம், கான்வே இணைந்து நியூசி. இன்னிங்சை தொடங்கினர். கான்வே 1 ரன், லாதம் 20 ரன் எடுத்து வெளியேற, நியூசி. 16.5 ஓவரில் 39 ரன்னுக்கு 2 விக்கெட் இழந்து தடுமாறியது.

இந்த நிலையில், வில்லியம்சன் – ரவிந்திரா ஜோடி 3வது விக்கெட்டுக்கு பொறுப்புடன் விளையாடி ஸ்கோரை உயர்த்தியது. இருவரும் சதம் விளாசி அசத்தினர். முதல் நாள் ஆட்ட முடிவில் நியூசிலாந்து முதல் இன்னிங்சில் 2 விக்கெட் இழப்புக்கு 258 ரன் எடுத்துள்ளது (86 ஓவர்). வில்லியம்சன் 112 ரன் (259 பந்து, 15 பவுண்டரி), ரவிந்திரா 118 ரன்னுடன் (211 பந்து, 13 பவுண்டரி, 1 சிக்சர்) களத்தில் உள்ளனர். தென் ஆப்ரிக்கா பந்துவீச்சில் ஷெபோ மோரெகி, டேன் பேட்டர்சன் தலா 1 விக்கெட் வீழ்த்தினர். இன்று 2வது நாள் ஆட்டம் நடக்கிறது.

 

You may also like

Leave a Comment

nineteen − one =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi