Thursday, June 19, 2025
Home செய்திகள்Banner News உத்தரப்பிரதேசத்தில் சண்டிகர் – திப்ரூகர் விரைவு ரயில் தடம் புரண்டு விபத்து: 2 பேர் பலி; 22 பேர் காயம்

உத்தரப்பிரதேசத்தில் சண்டிகர் – திப்ரூகர் விரைவு ரயில் தடம் புரண்டு விபத்து: 2 பேர் பலி; 22 பேர் காயம்

by MuthuKumar

லக்னோ: உத்தரப்பிரதேச மாநிலம் கோண்டா மற்றும் ஜிலாகி ரயில் நிலையங்களுக்கிடையே சண்டிகர் – திப்ரூகர் விரைவு ரயில் தடம் புரண்டு விபத்துக்குள்ளானது. சம்பவ இடத்திற்கு மாநில மீட்புப்படையினர் மற்றும் தீயணைப்பு துறையினர் விரைந்து வந்து மீட்பு பணியில் ஈடுபட்டுள்ளனர்.

சண்டிகர் – திப்ரூகர் பயணிகள் விரைவு ரயில் கோண்டா மாவட்டம் அருகே சென்றுகொண்டிருந்த போது ரயில் பெட்டிகள் திடீரென தடம் புரண்டது. 4 ஏ.சி பெட்டிகள் உள்பட மொத்தம் 12 பெட்டிகள் தடம் புரண்டுள்ளது. தடம் புரண்ட பெட்டிகளில் இருந்த பயணிகளை மீட்கும் பணியில் மீட்பு குழுவினர் ஈடுபட்டுள்ளனர். இந்த விபத்தில் 2 பேர் உயிரிழந்த நிலையில் 22-க்கும் மேற்பட்டோர் காயம் அடைந்துள்ளனர்.

கோண்டா மாவட்டத்தில் ரயில் பெட்டிகள் தடம் புரண்ட வழித்தடத்தில் ரயில் சேவை முழுமையாக பாதிக்கப்பட்டுள்ளது. சண்டிகர் -திப்ரூகர் விரைவு ரயிலில் முன்பதிவு பெட்டிகளில் பயணித்தவர்களின் விவரம் அறிய உதவி எண்கள் அறிவிக்கப்பட்டுள்ளது. தின்சுகியா – 9957555984, பர்காடிங் – 9957555966, மரியானி – 6001882410, சிமல்குரி – 8789543798, திப்ரூகர் – 9957555960, குவாஹாத்தி ரயில் நிலையம் 0361-2731621, 2731622, 2731623 எண்களில் உறவினர்கள் தொடர்புகொள்ளலாம் என தெரிவிக்கப்பட்டுள்ளது.

You may also like

Leave a Comment

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi