Friday, July 19, 2024
Home » 4 ரன் வித்தியாசத்தில் இந்தியா த்ரில் வெற்றி

4 ரன் வித்தியாசத்தில் இந்தியா த்ரில் வெற்றி

by Karthik Yash

பெங்களூரு: தென் ஆப்ரிக்க மகளிர் அணியுடனான 2வது ஒருநாள் போட்டியில், 4 ரன் வித்தியாசத்தில் த்ரில் வெற்றி பெற்ற இந்தியா 2-0 என முன்னிலை பெற்றதுடன் தொடரையும் கைப்பற்றியது. எம்.சின்னசாமி ஸ்டேடியத்தில் நேற்று நடந்த இப்போட்டியில் டாஸ் வென்ற தென் ஆப்ரிக்கா முதலில் பந்துவீச… இந்தியா 50 ஓவரில் 3 விக்கெட் இழப்புக்கு 325 ரன் குவித்தது. மந்தனா 136 ரன் (120 பந்து, 18 பவுண்டரி, 2 சிக்சர்), கேப்டன் ஹர்மன்பிரீத் 103* ரன் (88 பந்து, 9 பவுண்டரி, 3 சிக்சர்) விளாசினர். ஷபாலி 20, ஹேமலதா 24, ரிச்சா 25* ரன் எடுத்தனர்.

அடுத்து களமிறங்கிய தென் ஆப்ரிக்கா 50 ஓவரில் 6 விக்கெட் இழப்புக்கு 321 ரன் எடுத்து 4 ரன் வித்தியாசத்தில் போராடி தோற்றது. கேப்டன் லாரா வுல்வார்ட் 135* ரன் (135 பந்து, 12 பவுண்டரி, 3 சிக்சர்), மரிஸன்னே காப் 114 ரன் (94 பந்து, 11 பவுண்டரி, 3 சிக்சர்) விளாசினர். நடின் கிளெர்க் 28, போஷ் 18 ரன் எடுத்தனர். கடைசி ஓவரில் 11 ரன் தேவைப்பட்ட நிலையில், பூஜா வஸ்த்ராகர் 6 ரன் மட்டுமே விட்டுக்கொடுத்து 2 விக்கெட்டையும் வீழ்த்தி வெற்றிக்கு உதவினார். ஹர்மன்பிரீத் சிறந்த வீராங்கனை விருது பெற்றார். இந்தியா 2-0 என முன்னிலை வகிக்க, கடைசி போட்டி பெங்களூருவில் ஜூன் 23ம் தேதி நடக்கிறது.

You may also like

Leave a Comment

nineteen − fifteen =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi