Friday, July 12, 2024
Home » சூப்பர்-8 சுற்றுக்கு முன்னேறியது ஆப்கான்: நியூசி. வெளியேற்றம்

சூப்பர்-8 சுற்றுக்கு முன்னேறியது ஆப்கான்: நியூசி. வெளியேற்றம்

by Karthik Yash

நார்த் சவுண்ட்: ஐசிசி டி20 உலக கோப்பை தொடரின் பி பிரிவு லீக் ஆட்டத்தில், பப்புவா நியூ கினியாவை 7 விக்கெட் வித்தியாசத்தில் வென்ற ஆப்கானிஸ்தான் சூப்பர்-8 சுற்றுக்கு தகுதி பெற்றது. டரூபாவில் நடந்த இப்போட்டியில் டாஸ் வென்ற ஆப்கான் முதலில் பந்துவீசியது. அடுத்தடுத்து விக்கெட்டை பறிகொடுத்த நியூ கினியா 19.5 ஓவரில் 95 ரன் எடுத்து ஆல் அவுட்டானது. அதிகபட்சமாக கிப்ளின் டோரிகா 27 ரன் (32 பந்து, 2 பவுண்டரி) எடுத்தார். இதற்கு அடுத்த பெரிய ஸ்கோர் உதிரிகளாகக் கிடைத்த 25 ரன் தான். நவோ 13, டோனி உரா 11 ரன் எடுக்க, மற்ற வீரர்கள் சொற்ப ரன்னில் பெவிலியன் திரும்பினர். நியூ கினியா வீரர்கள் 3 பேர் டக் அவுட்டானதுடன், 4 பேர் ரன் அவுட் முறையில் விக்கெட்டை இழந்தது குறிப்பிடத்தக்கது.

ஆப்கான் பந்துவீச்சில் ஃபசல்லாக் 4 ஓவரில் 16 ரன்னுக்கு 3 விக்கெட் கைப்பற்றினார். நவீன் உல் ஹக் 2, நூர் அகமது 1 விக்கெட் எடுத்தனர். அடுத்து 96 ரன் எடுத்தால் வெற்றி என்ற எளிய இலக்குடன் களமிறங்கிய ஆப்கான் 15.1 ஓவரில் 3 விக்கெட் இழப்புக்கு 101 ரன் எடுத்து வென்றது. குர்பாஸ் 11, இப்ராகிம் ஸத்ரன் (0), ஒமர்சாய் 13 ரன் எடுத்து ஆட்டமிழந்தனர். குல்பாதீன் நயீப் 49 ரன் (36 பந்து, 4 பவுண்டரி, 2 சிக்சர்), முகமது நபி 16 ரன்னுடன் (23 பந்து, 1 பவுண்டரி) ஆட்டமிழக்காமல் இருந்தனர். நியூ கினியா தரப்பில் அலி நவோ, செமோ கமியா, நோர்மன் வனுவா தலா 1 விக்கெட் வீழ்த்தினர்.

ஹாட்ரிக் வெற்றியை வசப்படுத்திய ஆப்கான் சி பிரிவில் முதல் இடத்துக்கு முன்னேறியதுடன் சூப்பர்-8 சுற்றுக்கும் முன்னேறியது. ஏற்கனவே இந்த பிரிவில் வெஸ்ட் இண்டீஸ் அணியும் சூப்பர்-8 சுற்று வாய்ப்பை உறுதி செய்துவிட்டது. கடைசி லீக் ஆட்டத்தில் இவ்விரு அணிகளும் மோதுகின்றன. அதில் வெல்லும் அணி சி பிரிவில் முதலிடம் பெறும். இன்னும் 2 ஆட்டங்களில் ஆட வேண்டியிருந்தாலும், நியூசிலாந்து அணியால் அதிகபட்சமாக 4 புள்ளிகள் மட்டுமே பெற முடியும் என்பதால் சூப்பர்-8 வாய்ப்பை பறிகொடுத்து ஏமாற்றத்துடன் வெளியேறுகிறது. உகாண்டா, நியூ கினியா அணிகளும் வாய்ப்பை இழந்துவிட்டன.

You may also like

Leave a Comment

4 × three =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi