Sunday, June 23, 2024
Home » 4 ரன் வித்தியாசத்தில் தென் ஆப்ரிக்கா திரில் வெற்றி

4 ரன் வித்தியாசத்தில் தென் ஆப்ரிக்கா திரில் வெற்றி

by Ranjith

நியூயார்க்: வங்கதேச அணியுடனான டி20 உலக கோப்பை டி பிரிவு லீக் ஆட்டத்தில், தென் ஆப்ரிக்கா 4 ரன் வித்தியாசத்தில் திரில் வெற்றியை பெற்றது. நியூயார்க்கில் நேற்று இரவு நடந்த இப்போட்டியில், டாஸ் வென்று பேட் செய்த தென் ஆப்ரிக்கா 4.2 ஓவரில் 23 ரன்னுக்கு 4 விக்கெட் இழந்து திணறியது. ஹெண்ட்ரிக்ஸ் 0, டி காக் 18 ரன் (11 பந்து, 1 பவுண்டரி, 2 சிக்சர்), மார்க்ரம் 4, டிரைஸ்டன் ஸ்டப்ஸ் (0) அணிவகுப்பு நடத்தினர். இந்த நிலையில், கிளாஸன் – டேவிட் மில்லர் ஜோடி ஸ்கோரை உயர்த்த கடுமையாகப் போராடியது.

இருவரும் 5வது விக்கெட்டுக்கு 79 ரன் சேர்த்தனர். கிளாஸன் 46 ரன் (44 பந்து, 2 பவுண்டரி, 3 சிக்சர்), மில்லர் 29 ரன் விளாசி பெவிலியன் திரும்பினர். தென் ஆப்ரிக்கா 20 ஓவரில் 6 விக்கெட் இழப்புக்கு 113 ரன் எடுத்தது. வங்கதேச பந்துவீச்சில் டன்சிம் 3, டஸ்கின் 2, ரிஷத் 1 விக்கெட் வீழ்த்தினர். அடுத்து களமிறங்கிய வங்கதேசம் 20 ஓவரில் 7 விக்கெட் இழப்புக்கு 109 ரன் எடுத்து, 4 ரன் வித்தியாசத்தில் தோற்றது. தவ்கித் ஹிரிடாய் அதிகபட்சமாக 37 ரன் விளாசினார். தென் ஆப்ரிக்க தரப்பில் கேசவ் மகராஜ் 3 விக்கெட்டை வீழ்த்தினார்.

You may also like

Leave a Comment

four × 3 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi