குட்டி குட்டி வீட்டுக் குறிப்புகள்!

தர்பூசணியின் வெள்ளைப் பகுதியை சீவி, அரிசியுடன் சேர்த்து அரைத்து தோசை வார்க்கலாம். உளுந்து தேவையில்லை.
வாழைப் பழங்களை சீப்பாக வாங்கி, அதை எதன் மீதும் வைக்காமல், ஒரு கயிறு கட்டி அதில் தொங்க விட்டால் விரைவில் பழுத்துவிடாமல் இருக்கும்.
பாயசத்தில் திராட்சைக்கு பதில் பேரீச்சம் பழத்தை நறுக்கி சேர்த்தால் சூப்பராக இருக்கும்.
தயிர் புளிக்காமல் இருக்க, அதில் ஒரு துண்டு தேங்காயைப் போட்டு வைத்தால் போதும்.
ரவையை உப்புப் போட்டு பிசறி வைத்து, அதனுடன் உளுந்தை அரைத்துப் போட்டு தோசை வார்த்தால் சூப்பராக இருக்கும்.
அதிரசம் செய்யும் போது சிறிது பேரீச்சம் பழம் கலந்து செய்தால் சுவையாகவும் இருக்கும், சாஃப்ட்டாகவும் இருக்கும்.
இரண்டு வாழைப் பழத்துடன் சர்க்கரை சேர்த்து மிக்ஸியில் அரைத்து எடுத்து அதில் ஒண்ணரை டம்ளர் தண்ணீர் சேர்த்து கொதிக்க விடவும். பிறகு ஏலக்காய் பொடியுடன் ஏதாவது ஒரு எசன்ஸ் சேர்த்து விட்டால் சத்தான பாயசம் தயார்.
நறுக்கிய ஆப்பிள் மீதமாகி விட்டால் சிறிது உப்பு கலந்த நீரில் போட்டு வைத்தால் நிறம் மாறாமலும், கெடாமலும் இருக்கும்.
ஆரஞ்சுப்பழத்தில் நான்கு கிராம்புகளை குத்தி அதை கிச்சனில் வைத்து விட்டால் கிச்சன் மணமுடன் இருக்கும். பூச்சிகளும் வராது.
– அமுதா
அசோக்ராஜா,
எம். ஏ. நிவேதா