Friday, February 23, 2024
Home » கட்டிமுடிக்கப்பட்டு 3 மாதங்களுக்கு மேல் ஆனது காட்சி பொருளான அங்கன்வாடி மையம்: விரைவில் திறக்க கோரிக்கை

கட்டிமுடிக்கப்பட்டு 3 மாதங்களுக்கு மேல் ஆனது காட்சி பொருளான அங்கன்வாடி மையம்: விரைவில் திறக்க கோரிக்கை

by Ranjith

ஊத்துக்கோட்டை: பனப்பாக்கம் கிராமத்தில் கட்டிமுடிக்கப்பட்டு காட்சி பொருளாக உள்ள அங்கன்வாடி மையத்தை திறக்க வேண்டும் என பொதுமக்கள் கோரிக்கை விடுத்துள்ளனர். எல்லாபுரம் ஒன்றியம் பனப்பாக்கம் ஊராட்சியில் சிறுவர் – சிறுமிகள் படிப்பதற்காக அங்கன்வாடி மையம் செயல்பட்டு வந்தது. நாளடைவில் இந்த மையம் பழுதடைந்து காணப்பட்டதால், புதிய கட்டிடம் கட்ட வேண்டும் என பொதுமக்கள் கோரிக்கை வைத்தனர்.

அதன்படி கடந்த 2022 – 23ம் ஆண்டு ஊரக வளர்ச்சி மற்றும் ஊராட்சி துறை சார்பில் ரூ.12 லட்சம் செலவில் புதிய அங்கன்வாடி மையம் கட்டப்பட்டது.  இந்நிலையில் இந்த மையம் கட்டிமுடிக்கப்பட்டு 3 மாதங்களுக்கு மேல் ஆகியும் இதுவரை திறக்கப்படவில்லை. இதனால் மாணவர்கள் 1 கிலோ மீட்டர் தொலைவில் உள்ள இ-சேவை மையத்தில் படித்து வருகிறார்கள். எனவே இந்த அங்கன்வாடி மையத்தை விரைவில் திறக்க வேண்டும் என அப்பகுதி மக்கள் கோரிக்கை வைத்துள்ளனர்.

 

You may also like

Leave a Comment

three × 2 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi