முன்பதிவு அல்லாத டிஜிட்டல் டிக்கெட் ஸ்கிரீன்ஷாட் செல்லாது: ரயில்வே எச்சரிக்கை

மும்பை: முன்பதிவு அல்லாத டிஜிட்டல் ரயில்வே டிக்கெட்களுக்கு ஸ்கிரீன்ஷாட், பிடிஎப், வாட்ஸ்ஆப் நகல்கள் செல்லாது என இந்திய ரயில்வே எச்சரித்துள்ளது. ‘ரயில் ஒன்’ செயலியில் உள்ள டிக்கெட்டை மட்டுமே காட்ட முடியும். டிஜிட்டல் முன்பதிவற்ற பயணச்சீட்டுகளுடன் பயணிக்கும் பயணிகளுக்கான வழிகாட்டுதல்களை ரயில்வே மீண்டும் வலியுறுத்தியுள்ளது. அதன்படி, ‘ரயில் ஒன்’ செயலியில் காட்டப்படும் அசல் பயணச்சீட்டு மட்டுமே பயணச்சீட்டு சரிபார்ப்பின்போது ஏற்றுக்கொள்ளப்படும் என்று தெளிவுபடுத்தியுள்ளது.

டிஜிட்டல் பயணச்சீட்டுகளின் தவறான பயன்பாட்டைக் கட்டுப்படுத்தும் நடவடிக்கைகளின் ஒரு பகுதியாக, ஸ்கிரீன்ஷாட்கள், புகைப்படங்கள், பிடிஎப் நகல்கள் அல்லது வாட்ஸ்அப் வழியாக அனுப்பப்படும் பயணச்சீட்டுகள் செல்லுபடியாகாது. டிஜிட்டல் டிக்கெட்டுகள், டிக்கெட்டை உருவாக்கப் பயன்படுத்தப்பட்ட அதே மொபைல் போன் மற்றும் பதிவு செய்யப்பட்ட மொபைல் எண்ணில்தான் இருக்க வேண்டும் என்றும் ரயில்வே நிர்வாகம் வலியுறுத்தியுள்ளது.