Monday, April 22, 2024
Home » பயணிகள் வாகன விற்பனை 12 % அதிகரிப்பு

பயணிகள் வாகன விற்பனை 12 % அதிகரிப்பு

by Lavanya

கடந்த பிப்ரவரி மாதத்துக்கான வாகன விற்பனை விவரங்களை ஆட்டோமொபைல்டீலர்கள் கூட்டமைப்பு வெளியிட்டுள்ளது. இதன்படி பயணிகள் வாகன விற்பனை கடந்த பிப்ரவரியில் 12 அதிகரித்து 3,30,107 ஆக உள்ளது .இது முந்தைய ஆண்டு இதே மாதத்தில் 2,93,803 ஆக இருந்தது. இது பிப்ரவரி மாதத்தில் விற்பனையான அதிகபட்ச அளவாகும் என இந்த கூட்டமைப்பு தெரிவித்துள்ளது. இதுபோல் மொத்த விற்பனையிலும், பயணிகள் வாகன விற்பனை 3,73,177 வாகனங்களாக உள்ளது. இது முந்தைய ஆண்டு இதே மாதத்தில் 3,35,324 ஆக இருந்தது. ஒட்டு மொத்த அளவில் வாகன விற்பனை கடந்த மாதம் 13.07 சதவீதம் அதிகரித்து 20,29,541 ஆக உள்ளது. டூவீலர்கள் விற்பனை 13.25 சதவீதம் உயர்ந்து 14,39,523 ஆகவும், வணிக பயன்பாட்டு வாகனங்கள் விற்பனை 5 சதவீதம் உயர்ந்து 88,367 ஆகவும் உள்ளது. மூன்று சக்கர வாகனங்கள் விற்பனை அதிகபட்சமாக 24 சதவீதம் அதிகரித்து 94,918 ஆக உள்ளது. கடந்த மாதத்தில் மொத்தம் 76,626 டிராக்டர்கள் விற்பனை ஆகியுள்ளன. முந்தைய ஆண்டு இதே மாதம் 69,034 டிராக்டர்கள் விற்பனையாகின. இத்துடன் ஒப்பிடுகையில் விற்பனை 11 சதவீதம் உயர்ந்துள்ளது என, ஆட்டோமொபைல் டீலர்கள் கூட்டமைப்பு வெளியிட்ட அறிக்கையில் தெரிவித்துள்ளது.

 

You may also like

Leave a Comment

4 × 1 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi