கியா நிறுவனம், செல்டாஸ் பேஸ்லிப்ட் மாடலை ஜூன் - ஜூலையில் அறிமுகம் செய்யத் திட்டமிட்டுள்ளது. கடந்த ஆண்டு ஜூன் மாதத்தில்தான் தென்கொரியாவில் நடந்த பூசன் மோட்டார் ஷோவில் இந்தக்காரை இந்நிறுவனம் காட்சிப்படுத்தியது. இந்தியாவில் அறிமுகம் செய்யப்பட உள்ளதை முன்னிட்டு, ஐதராபாத்தில் இந்த காரின் சோதனை ஓட்டம் நடந்ததாக தகவல்கள் வெளியாகியுள்ளன. அடாஸ் தொழில்நுட்பத்துடன் இது வெளியாக உள்ளது. மேலும், இதில், மேம்படுத்தப்பட்ட புதிய 1.5 லிட்டர் டர்போ பெட்ரோல் இன்ஜின் பொருத்தப்பட்டிருக்கும்.

இது அதிகபட்சமாக 160 எச்பி பவரையும், 253 என்எம் டார்க்கையும் வெளிப்படுத்தும். முந்தைய மாடலில் 1.4 லிட்டர் பெட்ரோல் இன்ஜின் அதிகபட்சமாக 140 எச்பி பவரையும், 242 என்எம் டார்க்கையும் வெளிப்படுத்தும். இதுபோல், 115 எச்பி பவரையும் 250 என்எம் டார்க்கையும் வெளிப்படுத்தக்கூடிய டர்போ டீசல் இன்ஜினுடனும் வரும் எனவும், டொயோட்டா அர்பன் குரூசர் ஹைரைடர், மாருதி கிராண்ட் விட்டாரா, ஹூண்டாய் கிரெட்டா, ஸ்கோடா குஷக், போக்ஸ்வேகன் டாய்குன் மற்றும் எம்ஜி அஸ்டார் ஆகியவற்றுக்குப் போட்டியாக இருக்கும் என எதிர்பார்க்கப்படுகிறது.