ஹூண்டாய் நிறுவனம், 2023 கிரெட்டா மாடலை அறிமுகம் செய்துள்ளது. இது, ரியல் டிரைவிங் எமிஷன் (ஆர்டிஇ) விதிகளை பூர்த்தி செய்துள்ளது. பல்வேறு சாலைகளில் வாகனங்களை ஓட்டி மேற்கொள்ளப்படும் சோதனை இது. பாரத் ஸ்டேஜ் 6 இன்ஜின் தரநிலைகளின் 2வது கட்டமாக மேற்கண்ட விதிகள் அமல்படுத்தப்பட்டுள்ளன. ஏப்ரல் 1ம் தேதி முதல் இது கட்டாய நடைமுறையாகும். இந்த காரின் துவக்க ஷோரூம் விலையாக சுமார்ரூ.10.84 லட்சம் (1.5 எம்டி-இ) எனவும், டாப் வேரியண்டான 1.5 ஏடி நைட் எஸ்எக்ஸ் (ஓ) சுமார் ரூ.19.13 லட்சம் எனவும் நிர்ணயம் செய்யப்பட்டுள்ளது. முந்தைய மாடலை விட இந்த புதிய மாடல் விலை  ரூ.20,000 முதல் ரூ.45,000 வரை கூடுலாக நிர்ணயிக்கப்பட்டுள்ளது.  

நிலையான பாதுகாப்பு அம்சமாக 6 ஏர்பேக்குகள், இருக்கும். இந்த கார், 1.5 லிட்டர் பெட்ரோல் மற்றும் டீசல் இன்ஜின்களில் கிடைக்கிறது.  இதுபோல், அல்காசர் என்ற மாடலையும் ஹூண்டாய் அறிமுகம் செய்துள்ளது. இதுவும் ஆர்டிஇ விதிகளை பூர்த்தி செய்துள்ளது. இது, 1.5 லிட்டர் டீசல் இன்ஜின் மற்றும் 2.0 லிட்டர் பெட்ரோல் இன்ஜின் என 2 வேரியண்ட்களில் கிடைக்கிறது. மேற்கண்ட 2 கார்களிலுமே 20 சதவீத எத்தனால் கலந்த பெட்ரோலை பயன்படுத்தலாம். ஷோரூம் விலையாக ரூ.16.1 லட்சம் முதல்  ரூ.20.85 லட்சம் வரை நிர்ணயிக்கப்பட்டுள்ளது.