* பாகிஸ்தான் கிரிக்கெட் அணிக்கு வெளிநாட்டு பயிற்சியாளரை நியமிப்பதற்கு முன்னாள் கேப்டனும் பயிற்சியாளருமான மிஸ்பா உல் ஹக் கடும் எதிர்ப்பு தெரிவித்துள்ளார். தென் ஆப்ரிக்காவின் மிக்கி ஆர்தர் (54 வயது) ஏற்கனவே 2016-19ல் தலைமை பயிற்சியாளராக இருந்த நிலையில் மீண்டும் அவரை பணியமர்த்த பாக். கிரிக்கெட் வாரியத் தலைவர் நஜாம் சேத்தி முடிவு செய்துள்ளதாக தகவல் வெளியாகி உள்ளது.

* மகளிர் உலக கோப்பை டி20 தொடருக்கான இலங்கை அணி அறிவிக்கப்பட்டுள்ளது. ஐசிசி யு-19 உலக கோப்பையில் களமிறங்கிய அணியின் கேப்டனாக செயல்பட்ட விஷ்மி குணரத்னே (17 வயது), சீனியர் அணிக்கு தேர்வு செய்யப்பட்டுள்ளார். அமா காஞ்சனா, சத்யா சந்தீபனி ஆகியோர் மீண்டும் அணியில் இடம் பிடித்துள்ளனர்.

* மகளிர் பிரிமியர் லீக் டி20 தொடரில் களமிறங்க உள்ள மும்பை அணியின் பந்துவீச்சு பயிற்சியாளராக முன்னாள் வேகப் பந்துவீச்சாளர் ஜுலன் கோஸ்வாமி (40 வயது) நியமிக்கப்பட்டுள்ளார்.

* ம.பி. அணிக்கு எதிரான ரஞ்சி காலிறுதியில் பேட் செய்தபோது ஆந்திரா அணி கேப்டன் ஹனுமா விஹாரியின் மணிக்கட்டு பகுதியில் எலும்பு முறிவு ஏற்பட்டதையும் பொருட்படுத்தாமல் இடது கையால் பேட் செய்து போராடியது அனைவரின் பாராட்டுதல்களையும் அள்ளியுள்ளது. அவர் 57 பந்துகளை எதிர்கொண்டு 5 பவுண்டரியுடன் 27 ரன் எடுத்தார்.