SUN குழுமத்திலிருந்து வெளிவரும் காலை நாளிதழ்

தூத்துக்குடியில் கடும் பனிமூட்டம்; தரையிறங்க முடியாமல் சென்னை விமானம் திருவனந்தபுரம் சென்றது: 45 நிமிடங்கள் வானில் வட்டமிட்டதால் பீதி

2022-12-08@ 15:25:03

தூத்துக்குடி: தூத்துக்குடியில் கடும் பனி மூட்டம் எதிரொலியாக சென்னையிலிருந்து வந்த விமானம் தரையிறங்க முடியாததால் திருவனந்தபுரம் புறப்பட்டு சென்றது. இன்று காலை 6.45 மணி முதல் 7.30 மணி வரை விமான நிலையம் மேலே வட்டமிட்டதால் பயணிகள் பீதியடைந்தனர்.

தூத்துக்குடி வாகைக்குளம் விமான நிலையத்தில் இருந்து சென்னைக்கு தினமும் 5 முறையும், சென்னையிலிருந்து தூத்துக்குடிக்கு 5 முறையும், தூத்துக்குடியிலிருந்து பெங்களூருவுக்கு 2 முறையும், பெங்களூருவிலிருந்து தூத்துக்குடி 2 முறையும் விமானங்கள் இயக்கப்படுகின்றன. சென்னையிலிருந்து இன்று அதிகாலை புறப்பட்ட விமானம், காலை 6.45 மணிக்கு தூத்துக்குடி விமான நிலையம் அருகே வந்தது.

ஆனால் தூத்துக்குடியில் இன்று கடும் பனிமூட்டம் நிலவியதால் விமானம், நிலையத்திற்குள் தரையிறங்க சிக்னல் கிடைக்கவில்லை. இதையடுத்து காலை 7.30 மணி வரை வானில் அந்த விமானம் வட்டமிட்ட படியே சிக்னலுக்காக காத்து நின்றது. ஆனால் பனி மூட்டம் விலகாததால் சிக்னல் கிடைக்கவில்லை. இதையடுத்து இந்த விமானம் திருவனந்தபுரத்திற்கு புறப்பட்டு சென்றது. இந்த விமானத்தில் இருந்த மொத்தம் 39 பயணிகளும் பீதியடைந்தனர்.

மேலும் செய்திகள்

Like Us on Facebook Dinkaran Daily News
  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

  • china-spring-festival

    சீனாவில் வசந்த காலத் திருவிழா கோலாகலக் கொண்டாட்டம்: கலாச்சார நிகழ்வுகள், விளையாட்டுப் போட்டிகள் என உற்சாகம்..!

  • orange-tree-wishes-27

    ஆரஞ்சு மரத்தை அதிர்ஷ்டமாக கருதும் ஹாங்காங் மக்கள்: வேண்டுதல்களை தாள்களில் எழுதி மரத்தில் தொங்கவிட்டு பிரார்த்தனை..!!

படங்கள் வீடியோ கல்வி சினிமா ஜோ‌திட‌ம்