SUN குழுமத்திலிருந்து வெளிவரும் காலை நாளிதழ்

பாலியல் பலாத்கார சட்டத்தை கடுமையாக்க சுவிட்சர்லாந்து நாடாளுமன்றத்தில் வாக்கெடுப்பு

2022-12-06@ 18:59:16

ஜெனிவா: சுவிட்சர்லாந்தின் பாலியல் பலாத்காரச் சட்டத்தில் திருத்தங்கள் தேவை என்பது குறித்து நேற்று நாடாளுமன்றத்தில் வாக்கெடுப்பு நடந்தது. ஸ்பெயின், ஸ்வீடன், டென்மார்க் மற்றும் பெல்ஜியம் ஆகிய ஐரோப்பிய நாடுகளில் ‘ஒருவரின் வெளிப்படையான அனுமதியின்றி, பாலியல் செயல்களில் ஈடுபடுவது’ கற்பழிப்பு குற்றமாக கருதப்படுகிறது. சுவிட்சர்லாந்தின் தற்போதைய சட்டத்தின்படி, ஒரு பெண்ணை கட்டாயப்படுத்தி பாலியல் வன்புணர்வு செய்வது, அதற்கு அந்த பெண்ணிடமிருந்து எதிர்வினை கிளம்புவது ஆகிய செயல்கள் நடந்தால் மட்டுமே, அது கற்பழிப்பு குற்றமாக கருதப்படுகிறது. அந்நாட்டின் பாலியல் பலாத்காரச் சட்டத்தில் இவை வருகின்றன.

இந்த நிலையில், சுவிட்சர்லாந்தின் தற்போதைய பாலியல் பலாத்காரச் சட்டத்தில் திருத்தங்கள் தேவை. ஒரு பெண் எதிர்ப்பு தெரிவிக்காவிட்டாலும், அவளுடைய சம்மதமின்றி பாலியல் வன்புணர்வு செய்வதும் கற்பழிப்பு முயற்சி குற்றமாக கருதப்பட வேண்டும். அதேபோல ஆண்-பெண் என யாராக இருந்தாலும் பாலின பாகுபாடின்றி யார் பாதிக்கப்பட்டாலும், பாலியல் பலாத்காரச் சட்டத்தில் கற்பழிப்பு குற்றமாக கருதப்பட வேண்டும் என்று பரவலான கருத்து கிளம்பியுள்ளது. இந்நிலையில் சுவிட்சர்லாந்து நாட்டில் தற்போதைய பாலியல் பலாத்காரச் சட்டத்தில் திருத்தங்கள் தேவை என்பது குறித்து நேற்று சுவிட்சர்லாந்து நாடாளுமன்றத்தில் காரசாரமான விவாதம் நடந்தது.

ஒரு நபர் வெளிப்படையாக எதிர்த்தால் மட்டுமே, அது கற்பழிப்பாகக் கருதப்படும் என்ற நடைமுறைக்கு நாடாளுமன்றத்தின் மேல்சபையில் இந்த ஆண்டு தொடக்கத்தில் வாக்கெடுப்பு நடந்தது. இந்நிலையில், தற்போதைய பாலியல் பலாத்காரச் சட்டத்தில் திருத்தங்கள் தேவை என சுவிட்சர்லாந்து நாடாளுமன்றத்தின் கீழ்சபையில் நேற்று வாக்கெடுப்பு நடந்தது. புதிய சட்ட திருத்தத்தின்படி, ஒருவருடைய அனுமதியின்றி அவரிடம் பாலியல் செயல்களில் ஈடுபடுவது கற்பழிப்பு குற்றம் என்று சேர்க்க வேண்டும் என்று முன்மொழியப்பட்டுள்ளது.

ஆனால், அது குழப்பத்தை உருவாக்கும் மற்றும் நடைமுறைப்படுத்துவது கடினம் என்று கூறி பல வலதுசாரி பாராளுமன்ற உறுப்பினர்கள் அந்த விருப்பத்தை எதிர்த்தனர். எனினும், பாலியல் துஷ்பிரயோகத்தால் பாதிக்கப்பட்ட பெண்களின் உரிமைகளுக்காக நடந்துவரும் பல ஆண்டு செயல்பாட்டிற்கு கிடைத்த ஒரு பெரிய வெற்றியாக இது பார்க்கப்படுகிறது. நாடாளுமன்ற இரு சபைகளிலும் இவ்விவகாரம் குறித்த ஒருமித்த முடிவு ஏற்பட்ட பின், இந்த விஷயம் சுவிட்சர்லாந்தின் நேரடி ஜனநாயக அமைப்பின் கீழ், பொதுமக்கள் வாக்கெடுப்புக்குச் செல்லும். அதன்பின்னரே சட்டம் அமலாகும்.

மேலும் செய்திகள்

Like Us on Facebook Dinkaran Daily News
  • erode-dmk-votes-2

    அனல் பறக்கும் ஈரோடு கிழக்கு தொகுதி இடைத்தேர்தல் களம்: திமுக அமைச்சர்கள் வீடு வீடாக சென்று தீவிர வாக்கு சேகரிப்பு..!!

  • scotland-bonfire-festival

    ஸ்காட்லாந்தில் பாரம்பரிய நெருப்புத் திருவிழா கோலாகலம்: முதல் முறையாக தீப்பந்தம் ஏந்தியவாறு பேரணி

  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

படங்கள் வீடியோ கல்வி சினிமா ஜோ‌திட‌ம்