டெல்லி : பா.ஜ.கவின் உயர்மட்ட தலைவர்கள் பங்கேற்கும் ஆலோசனை கூட்டம் இன்றும், நாளையும் டெல்லியில் நடைபெற உள்ளது. பாஜக தலைவர் ஜே.பி.நட்டா தலைமையில் நடைபெறும் இந்த கூட்டத்தில் பிரதமர் மோடி பங்கேற்கிறார். அடுத்தாண்டு 9 மாநிலங்களில் நடைபெற உள்ள சட்டபேரவை தேர்தல்கள் 2024-ல் நடைபெற உள்ள நாடாளுமன்ற தேர்தல்கள் ஆகியவை குறித்து இக்கூட்டத்தில் ஆலோசிக்கப்பட உள்ளதாக தெரிகிறது.

நாடு முழுவதும் களநிலவரங்களை ஆய்வு செய்ய அமைக்கப்பட்ட அமைச்சர்கள், எம்.பி.கள் அடங்கிய குழுவினர் இக்கூட்டத்தில் ஆய்வறிக்கை சமர்ப்பிக்க உள்ளதாக தகவல்கள் வெளியாகியுள்ளன. குஜராத், இமாச்சல பிரதேச சட்டப்பேரவை தேர்தல்கள் மற்றும் டெல்லி மாநகராட்சி தேர்தல் முடிவு வெளியாவதற்கு முன்பாக இக்கூட்டம் நடைபெறுவதால் அரசியல் களத்தில் பல்வேறு யூகங்கள் கிளம்பியுள்ளன.