சென்னை: போலி நில ஆவணங்களை காட்டியவர்களுக்கு வழங்கப்பட்ட ரூ.20.52 கோடி இழப்பீட்டு தொகை திரும்ப வசூலிக்கப்பட்டதாக தமிழ்நாடு அரசு தெரிவித்துள்ளது. சென்னை - பெங்களூரு தேசிய நெடுஞ்சாலையில் நிலம் கையகப்படுத்தலில் போலி நில ஆவணங்களை காட்டி மோசடி செய்யப்பட்டது. ஸ்ரீபெரும்புதூரில் நிலம் கையகப்படுத்தும் பணி நடைபெற்றபோது போலி ஆவணங்களை சமர்ப்பித்து மோசடி நடைபெற்றது. இழப்பீடு வழங்கிய அதிகாரிகள் மீது நடவடிக்கை எடுக்கக்கோரி ராஜேந்திரன் என்பவர் கைகோர்ட்டில் அவமதிப்பு வழக்கு தொடர்ந்திருந்தார். இழப்பீட்டு தொகையை திரும்பப் பெறாவிட்டால் சிபிஐ விசாரணைக்கு உத்தரவிடப்படும் என ஏற்கனவே நீதிபதி எச்சரித்திருந்தார்.