சென்னை: மின்சார வாகங்களை பொருத்தவரை ஒரு சிலவற்றில் ஏற்படும் தொழில்நுட்ப பிரச்சினைகள் அதன் மீதான நம்பகத்தன்மையை கேள்விக்குள்ளாகின்றன. முழுமையாக ஆராய்ச்சி செய்யதாதது இந்தியா சாலைகளுக்கு ஏற்ப மின்சார வாகனங்களை வடிவமைக்காதது பேட்டரி பேக்கப் சிஸ்டத்தின் குறைகள் இதுவே அதற்கு காரணம் என்று கூறப்படும் நிலையில் பந்தையங்களில் மின்சார கார்கள் பயன்படுத்தப்பட்டு வருவதே அதன் வெற்றியாக பார்க்கப்படுகிறது.

அந்த வகையில் பார்முலா பந்தயங்களில் பயன்படுத்தப்படும் காரை மின்சார வாகனமாக வடிவமைத்து சென்னை ஐஐடி மாணவர்கள் சாதனை படைத்துள்ளனர். ரஸ்தா என்ற குழுவைச் சேர்ந்த மாணவர்கள் பார்முலா பந்தய கார் வடிவமைப்பு உற்பத்தி சோதனை ஆகியற்றில் ஓராண்டுக்கு மேலாக ஆராய்ச்சி மேற்கொண்டு வருகின்றனர். அதன் விளைவாக RFR-23 என்னும் மின்சார பந்தய கார் உருவாக்கப்பட்டுள்ளது.

எரிபொருளில் இயங்கும் பந்தய கார்களில் ஒப்பிடும் போது மின்சார பந்தய காரின் செயல்பாடு சிறப்பாக இருப்பதுடன் அதில் ஏற்படும் பிரச்சினைகளையும் எளிதில் சரி செய்ய முடியும் என ஐஐடி மாணவர் குழு கூறுகிறது. கோவையில் வரும் ஜனவரி மாதம் நடைபெறும் பார்முலா  பார் நிகழ்வில் RFR-23 மின்சார பந்தய காரை இயக்கிய சென்னை ஐஐடி குழு மீண்டும் பங்கேற்க உள்ளது.

மேலும் அடுத்த ஆண்டு ஆகஸ்டில் ஜெர்மனியில் நடைபெறும் பார்முலா ஸ்டூடண்ட் ஜெர்மனி நிகழ்விலும்  இந்த வாகனம் போட்டியிட உள்ளதாக ஐஐடி மாணவ்ர்கள் பெருமையுடன் தெரிவித்துள்ளனர்.