SUN குழுமத்திலிருந்து வெளிவரும் காலை நாளிதழ்

ஜெயின் பட்டதாரி இளம்பெண் துறவறம்: சாரட் வண்டியில் அழைத்து சென்று கொண்டாட்டம்

2022-11-28@ 19:41:40

புதுச்சேரி: புதுவையில் துறவறம் செல்லும் ஜெயின் சமூக இளம்பெண்ைண அவரது உறவினர்கள் சாரட் வண்டியில் வைத்து ஊர்வலம் நடத்தினர். புதுச்சேரி வெங்கட்டா நகரை சேர்ந்தவர் சாந்திலால் ஜெயின். இவரது மனைவி புஷ்பலதா. இவர்களுக்கு ஒரு மகன், இரண்டு மகள்கள். இளைய மகள் சலோனி ஜெயின் (22). பயோ மெடிக்கல் இன்ஜினியரிங் படித்தவர். இவர் துறவியாக மாற முடிவு செய்து, தன் குடும்பத்தினர் மற்றும் உறவினர்களிடம் தெரிவித்துள்ளார். அவர்களும் சலோனி முடிவிற்கு சம்மதம் தெரிவித்துள்ளனர். வரும் 4ம் தேதி பெங்களூருவில் உள்ள பாஸ்வசுசீல்தார் கோயிலில், குருஜி ஆச்சார்ய அரவிந்த் சாகர் சுவசர் மகாராஜ் முன்னிலையில், சலோனி துறவறத்திற்கான தீட்சை பெற உள்ளார்.

இதற்காக அவர் நாளை மறுநாள் பெங்களூரு செல்ல உள்ளார். இந்நிலையில் சலோனி துறவறம் செல்வதை கொண்டாடும வகையில், மேள தாளங்கள் முழங்க குதிரை பூட்டிய சாரட் வண்டியில், ஜெயின் சமூகத்தினர் அவரை ஊர்வலமாக அழைத்து செல்லும் நிகழ்ச்சி நேற்று நடந்தது. பஸ்வநாத் ஜெயின் கோயில், சித்தன்குடியில் உள்ள சித்தன்நாத் ஜெயின் திகாம்பர் ஜெயின் ஆகிய கோயில்களுக்கு சலோனி அழைத்து செல்லப்பட்டு சாமியை வழிபட்டார். இதுகுறித்து சலோனி கூறுகையில், டான்ஸ் கோரியோகிராபர் ஆக வேண்டும் என்பது எனது கனவு. சமீபத்தில், நான் கடலூர் மாவட்டம் ரெட்டிச்சாவடியில், குருஜி ஆச்சார்ய அரவிந்த் சாகர் சுவசர்ஜீ மகாராஜ் தலைமையில் 50 நாட்கள் நடந்த சாது ஜீவன் முகாமில் கலந்து கொண்டேன்.

அப்போது, சாமியார் எப்படி வாழ்வார்களோ அந்த வாழ்வை மேற்கொண்டேன். அதிலிருந்து, ஆத்ம நிலையை அடைய முடிவு செய்து, எந்தவித ஆசைகளுக்கும் இடமின்றி, துறவறம் மேற்கொண்டு, இறைவனின் ஆசியை பெறும், ஆத்மாவை உணரும் வாழ்க்கையை வாழ தீர்மானித்தேன். என் முடிவுக்கு குடும்பத்தினர் பெருமைப்படுகின்றனர், என்றார்.

மேலும் செய்திகள்

Like Us on Facebook Dinkaran Daily News
  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

  • china-spring-festival

    சீனாவில் வசந்த காலத் திருவிழா கோலாகலக் கொண்டாட்டம்: கலாச்சார நிகழ்வுகள், விளையாட்டுப் போட்டிகள் என உற்சாகம்..!

  • orange-tree-wishes-27

    ஆரஞ்சு மரத்தை அதிர்ஷ்டமாக கருதும் ஹாங்காங் மக்கள்: வேண்டுதல்களை தாள்களில் எழுதி மரத்தில் தொங்கவிட்டு பிரார்த்தனை..!!

  • pet-fesitival-mumbai

    மும்பையில் கோலாகலமாக நடைபெற்ற செல்லப் பிராணிகள் திருவிழா: லிம்கா சாதனைப் புத்தகத்தில் இடம்பெற்றுள்ள Pet Fed நிகழ்ச்சி

  • france-reform

    பிரான்ஸ் அரசின் ஓய்வூதிய சீர்திருத்தக் கொள்கைக்கு எதிர்ப்பு: அதிபர் மேக்ரான் அரசுக்கு எதிராக நாடு தழுவிய போராட்டம்..!!

படங்கள் வீடியோ கல்வி சினிமா ஜோ‌திட‌ம்