SUN குழுமத்திலிருந்து வெளிவரும் காலை நாளிதழ்

வனத்துறையில் 10 ஆண்டு பணி முடித்த வேட்டை தடுப்பு காவலர்களுக்கு வனக்காவலர் பணி உயர்வு: அமைச்சர் ராமசந்திரன் தகவல்

2022-11-27@ 00:26:12

சத்தியமங்கலம்: வனத்துறையில் 10 ஆண்டு பணி முடித்த வேட்டை தடுப்பு காவலர்களுக்கு வனக்காவலர் பதவி உயர்வு வழங்க நடவடிக்கை எடுக்கப்பட்டு வருவதாக அமைச்சர் ராமச்சந்திரன் கூறினார். சத்தியமங்கலம் புலிகள் காப்பக வனப்பகுதியில் பழங்குடியின மக்களின் வாழ்வியல் முறைகளை அறிந்து கொள்ளும் வகையில் ரூ.7 கோடி செலவில் பழங்குடியினர் அருங்காட்சியகம் கட்டும் பணி நிறைவு பெறும் தருவாயில் உள்ளது. இந்நிலையில், நேற்று தமிழக வனத்துறை அமைச்சர் ராமச்சந்திரன், சத்தியமங்கலம் புலிகள் காப்பக வனப்பகுதியில் பவானிசாகர் அருகே காராச்சிக்கொரை வனப் பகுதியில் அமைக்கப்பட்டு வரும் பழங்குடியினர் அருங்காட்சியகத்தை ஆய்வு மேற்கொண்டார்.

பின்னர் அமைச்சர் ராமச்சந்திரன் அளித்த பேட்: வனத்துறையில் 10 ஆண்டுகள் பணி முடித்த வேட்டை தடுப்பு காவலர்களுக்கு வனக்காவலர் பணி பதவி உயர்வு வழங்குவதற்கான நடவடிக்கைகள் மேற்கொள்ளப்பட்டு வருகிறது. பதவி உயர்வு வழங்குவதில் பழங்குடியினருக்கு மட்டுமே முன்னுரிமை அளிக்கப்பட்டு வரும் நிலையில் மற்ற இனத்தவருக்கும் பதவி உயர்வு வழங்குவது குறித்து அதிகாரிகளிடம் கலந்து ஆலோசித்து நடவடிக்கை எடுக்கப்படும். வனவிலங்குகளால் ஏற்படும் பயிர் சேதத்திற்கு இழப்பீடு வழங்குவதற்கு நடவடிக்கைகள் மேற்கொள்ளப்பட்டு வருகிறது. கடந்த ஆட்சி காலத்தில் சரிவர விவசாயிகளுக்கு இழப்பீடு வழங்காத நிலையில் தற்போது விவசாயிகளுக்கு விரைவில் இழப்பீடு தொகை வழங்க நடவடிக்கை எடுக்கப்பட்டுள்ளது. நீதிமன்ற உத்தரவின்படி வனப்பகுதியில் உள்ள அந்நிய தாவரங்கள் மற்றும் மரங்கள் அகற்றும் பணி தொடர்ச்சியாக நடைபெறும். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • turkey-babys-9

    துருக்கி நிலநடுக்கத்தில் இருந்து அதிர்ஷ்டவசமாக உயிர்பிழைத்த குழந்தைகளின் புகைப்படங்கள்..!!

  • peru-bird-kills

    பறவை காய்ச்சலால் 585 கடல் சிங்கம், 55,000 பறவைகள் பலி: பெரு நாட்டில் சோகம்..!

  • nivaraaa1

    மீட்பு, நிவாரண பணிகளில் துருக்கிக்கு உதவிக்கரம் நீட்டும் உலக நாடுகள்!!

  • vadakoriya

    வடகொரியாவின் இரவு நேர ராணுவ அணிவகுப்பால் பதற்றம்: கண்டம் விட்டு கண்டம் பாயும் 11 ஏவுகணைகள் பங்கேற்பு

  • erode-senthilbalaji-8

    சூடுபிடித்தது ஈரோடு இடைத்தேர்தல்: ஈ.வி.கே.எஸ். இளங்கோவனை ஆதரித்து அமைச்சர் செந்தில் பாலாஜி பிரச்சாரம்..!!

படங்கள் வீடியோ கல்வி சினிமா ஜோ‌திட‌ம்