SUN குழுமத்திலிருந்து வெளிவரும் காலை நாளிதழ்

Dinakaran Daily news

இலங்கைக்கு செல்ல ராமருக்கு வழிகாட்டிய பிள்ளையார்: ஆன்மிக பக்தர்களின் மனதை கவரும் சேதுரஸ்தா சாலை

2022-11-07@ 17:17:56

நாகப்பட்டினம் மாவட்டத்தில் அமைந்துள்ளது வேதாரண்யம். பல்வேறு சிறப்புகளும், ஆன்மீக பெருமைகளும் பெற்றது. சுதந்திர போராட்டத்தில் முக்கிய நிகழ்வாக கருதப்படும் உப்பு சத்தியாகிரகத்தில் காந்திஜியின் தண்டி யாத்திரை அளவுக்கு நாகப்பட்டினம் மாவட்டம் வேதாரண்யத்தில் ராஜாஜி தலைமையில் நடைபெற்ற தடையை மீறி உப்பு அள்ளும் போராட்டம் வரலாற்று சிறப்புமிக்கதாகும்.....

ஆங்கிலேய அரசால் உப்புக்கு விதிக்கப்பட்ட வரியை எதிர்த்து நடத்தப்பட்ட இந்த உப்பு சத்தியாகிரக போராட்டம் 1930ம் ஆண்டு ஏப். 30ல் நடைபெற்றது. நாடு சுதந்திரம் பெற்ற பிறகு இந்த போராட்டத்தை நினைவுகூறும் விதமாக ஆண்டு தோறும் நினைவுநாள் நிகழ்ச்சி நடத்தப்படுகிறது. இத்தகைய பெருமைகள் வாய்ந்த வேதாரண்யத்திற்கு மேலும் ஒரு பெருமை சேர்த்து இப்பகுதிக்கு வரும் சுற்றுலாப்பயணிகளும், ஆன்மீக பக்தர்களும் தேடி செல்லும் இடம்தான் ராமர் பாதம்.
வேதாரண்யத்திலிருந்து கோடியக்கரை செல்லும் வழியில் 3வது கிலோமீட்டரில் இருக்கிறது ராமர் பாதம். சீதாதேவியை ராவணன் கடத்திக்கொண்டு சென்று விட்டான் என்று ராமருக்கு தெரிய வருகிறது. தனது மனைவி சீதாவை மீட்டு கொண்டு வர வேதாரண்யம் வருகிறார். ஆனால் அங்கிருந்து இலங்கைக்கு எப்படி செல்வது என்பதை பார்ப்பதற்காக பிள்ளையாரிடம் வழி கேட்கிறார்.

அதற்கு பிள்ளையார் ‘‘தென்கிழக்காக சென்றால் ஒரு மணல்மேடு வரும். அங்கிருந்து பார்த்தால் ராவணன் கோட்டை தெரியும்’’ என்று விரல் காட்டுகிறார். ராமர் நடந்து சென்ற சாலை சேது ரஸ்தா என்றழைக்கப்படுகிறது. ராமருக்கு வழி காட்டிய பிள்ளையார், சேது ரஸ்தாவில் அமர்ந்த கோலத்தில் ஆட்காட்டி விரலை நீட்டியபடி பக்தர்களுக்கு அருள்பாலித்து வருகிறார். ராமர் பாதம் பகுதிக்கு படிகளில் ஏறிச்சென்றால் ஏறத்தாழ இருபத்தைந்து அடி உயரத்தில் இருக்கிறது. இங்கு ஒரு மணி மண்டபம் கட்டப்பட்டு அதன் கீழ் பாறையில் ராமர் பாதம் வடிக்கப்பட்டிருக்கிறது.

இங்கு நின்றுதான் ராமர் இலங்கையை பார்த்துள்ளார். ராமர் பார்த்தபோது ராவணன் கோட்டையின் பின்புறம் தெரிந்துள்ளது. ஒரு வீரன் பின்புறமாக சென்று தாக்குவது வீரமாகாது என்று தெரிவித்து ராமேஸ்வரம் சென்று அங்கிருந்து இலங்கைக்கு சென்று ராவணன் கோட்டையின் முன்புறமாகத் தாக்கினாராம். வேதாரண்யம் வரும் சுற்றுலாப்பயணிகளும், பக்தர்களும் தவறாமல் ராமர் பாதம் அமைவிடத்திற்கு வந்து செல்கின்றனர். வரலாற்று இதிகாசங்களின் நினைவுகள் வேதாரண்யத்தை தேடி வரும் சுற்றுலாப்பயணிகளை வெகுவாக ஈர்க்கிறது. நீங்களும் சென்றால் பார்த்துவிட்டு வாருங்களேன்.

Dinakaran Daily news
Like Us on Facebook Dinkaran Daily News
  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

படங்கள் வீடியோ கல்வி சினிமா ஜோ‌திட‌ம்